ഫേസ്ബുക്ക് തുറക്കാൻ കഴിയുന്നുണ്ടെങ്കിലും ചിത്രങ്ങൾ ഷെയർ ചെയ്യുന്നതിനും കമന്‍റ് ചെയ്യുന്നതിനും തടസം നേരിട്ടിരുന്നു.
സാൻഫ്രാൻസിസ്കോ: ഫേസ്ബുക്ക്, ഇൻസ്റ്റഗ്രാം സേവനങ്ങൾ പണിമുടക്കി. യൂറോപ്പിലെയും യുഎസിലെയും സെർവറുകൾ അറ്റകുറ്റപ്പണിക്കിടെ തകരാറിലായതാണ് കാരണം. ഞായറാഴ്ച രാത്രിയോടെയാണ് സംഭവം ഉണ്ടായത്. ഫേസ്ബുക്ക് തുറക്കാൻ കഴിയുന്നുണ്ടെങ്കിലും ചിത്രങ്ങൾ ഷെയർ ചെയ്യുന്നതിനും കമന്‍റ് ചെയ്യുന്നതിനും തടസം നേരിട്ടിരുന്നു. എന്നാൽ അൽപനേരത്തിനുള്ളിൽ തകരാർ പരിഹരിച്ച് വീണ്ടും ലഭ്യമായി തുടങ്ങി. ഇന്ത്യയിലെ ഉപയോക്താക്കളെ പ്രശ്നം ഭാഗികമായേ ബാധിച്ചുള്ളൂ.