വാര്‍ഷിക ബ്ലാക്ക് ഹാറ്റ് ഹാക്കര്‍ കണ്‍വെന്‍ഷനിലാണ് ഈ മത്സരം ആപ്പിള്‍ പരസ്യപ്പെടുത്തിയത്.
സന്‍ഫ്രാന്‍സിസ്കോ: ഹാക്കര്‍മാരെ വലിയൊരു മത്സരത്തിന് വെല്ലുവിളിച്ച് ടെക് ഭീമന്മാരായ ആപ്പിള്‍. ആപ്പിള്‍ ഐഫോണ്‍ ഹാക്ക് ചെയ്യുന്നവര്‍ 1 ദശലക്ഷം അമേരിക്കന്‍ ഡോളറാണ് ആപ്പിള്‍ പ്രതിഫലം പ്രഖ്യാപിച്ചിരിക്കുന്നത്. ഇത് 70974000 രൂപ വരും.
വാര്‍ഷിക ബ്ലാക്ക് ഹാറ്റ് ഹാക്കര്‍ കണ്‍വെന്‍ഷനിലാണ് ഈ മത്സരം ആപ്പിള്‍ പരസ്യപ്പെടുത്തിയത്. 2016 ല്‍ 2 ലക്ഷം അമേരിക്കന്‍ ഡോളര്‍ പ്രതിഫലം പ്രഖ്യാപിച്ചാണ് ഇത്തരം മത്സരങ്ങള്‍ക്ക് ആപ്പിള്‍ തുടക്കമിട്ടത്. ഐഒഎസ് പ്ലാറ്റ്ഫോമില്‍ യൂസറുടെ അനുവാദം ഇല്ലതെ കടന്നുകയറാന്‍ പറ്റുമോ എന്നതായിരുന്നു അന്നത്തെ മത്സരം.
ഇത് പിന്നീട് ആപ്പിളിന്‍റെ എല്ലാ പ്ലാറ്റ്ഫോമിലേക്കും വ്യാപിച്ചു. ഐ ക്ലൗഡ്, ഐപാഡ് ഒഎസ്, മാക് ഒഎസ്, ടിവി ഒഎസ്, ആപ്പിള്‍ വാച്ച് ഒഎസ് എന്നിവയില്‍ എല്ലാം ഇത്തരത്തിലുള്ള മത്സരങ്ങള്‍ ആപ്പിള്‍ മുന്നോട്ടുവച്ചിട്ടുണ്ട്. ആഗസ്റ്റ് 3 മുതല്‍ 8 വരെ ലാസ് വേഗസില്‍ നടന്ന വാര്‍ഷിക ബ്ലാക്ക് ഹാറ്റ് ഹാക്കര്‍ കണ്‍വെന്‍ഷനിലാണ് ആപ്പിളിന്‍റെ പ്രഖ്യാപനം. ആപ്പിള്‍ സെക്യുരിറ്റി വിഭാഗം തലവന്‍ ഇവാന്‍ ക്രിസ്റ്റിക്ക് ആണ് ഇത് പ്രഖ്യാപിച്ചത്.