ഇ-സിഗരറ്റ് ഉത്പന്നങ്ങളുടെ ഉപയോഗത്തെയും, വിപണനത്തെയും പ്രോത്സാഹിപ്പിക്കുന്ന എല്ലാതരം ആപ്പുകളും പുതിയ ആപ്പ് സ്റ്റോര്‍ മാര്‍ഗനിര്‍ദേശങ്ങളുടെ അപ്ഡേറ്റിലൂടെ നീക്കം ചെയ്തു. ആപ്പിള്‍ വക്താവ് പുതിയ പ്രസ്താവനയിലൂടെ അറിയിച്ചു.
ന്യൂയോര്‍ക്ക്: ഇ-സിഗരറ്റ് സംബന്ധിച്ച് ആപ്പുകള്‍ ആപ്പ് സ്റ്റോറില്‍ നിന്നും നീക്കം ചെയ്ത് ആപ്പിള്‍. ഇനിമുതല്‍ ഈ ആപ്പുകള്‍ ആപ്പിള്‍ ആപ്പ് സ്റ്റോറില്‍ നിന്നും ഡൗണ്‍ലോഡ് ചെയ്യാന്‍ സാധിക്കില്ല. പൊതുജന ആരോഗ്യത്തില്‍ പ്രതിസന്ധി ഉണ്ടാക്കുന്നതും, യുവാക്കള്‍ക്ക് ആനാരോഗ്യം ഉണ്ടാക്കുന്നതിനാലുമാണ് ഈ ആപ്പുകള്‍ക്ക് നിരോധനം ഏര്‍പ്പെടുത്തുന്നത് എന്ന് ആപ്പിള്‍ അറിയിക്കുന്നു.
ഇ-സിഗരറ്റ് ഉത്പന്നങ്ങളുടെ ഉപയോഗത്തെയും, വിപണനത്തെയും പ്രോത്സാഹിപ്പിക്കുന്ന എല്ലാതരം ആപ്പുകളും പുതിയ ആപ്പ് സ്റ്റോര്‍ മാര്‍ഗനിര്‍ദേശങ്ങളുടെ അപ്ഡേറ്റിലൂടെ നീക്കം ചെയ്തു. ആപ്പിള്‍ വക്താവ് പുതിയ പ്രസ്താവനയിലൂടെ അറിയിച്ചു.
undefined
റിപ്പോര്‍ട്ട് പ്രകാരം 181 ആപ്പുകളാണ് ആപ്പ് സ്റ്റോറില്‍ നിന്നും നീക്കം ചെയ്തത്. ഇതില്‍ ഇ-സിഗരറ്റ് ഉപയോഗത്തെ പ്രോത്സാഹിപ്പിക്കുന്ന ഗെയിം ആപ്പുകളും,കംപാനീയന്‍ ആപ്പുകളും ഉണ്ട്. എന്നാല്‍ ഈ ആപ്പുകള്‍ ഇപ്പോള്‍ ഉപയോഗിക്കുന്നവര്‍ക്ക് അത് തുടര്‍ന്ന് ഉപയോഗിക്കാന്‍ സാധിക്കും.
അതേസമയം അമേരിക്കയിലെ ഫെഡറല്‍ എജന്‍സി സെന്‍റെര്‍സ് ഫോര്‍ ഡിസീസ് കണ്‍ട്രോള്‍ ആന്‍റ് പ്രിവന്‍ഷന്‍ (സിഡിസി)യും അമേരിക്കന്‍ ഹെര്‍ട്ട് അസോസിയേഷനും ഇ-സിഗിരറ്റ് ഉത്പന്നങ്ങള്‍ ഉപയോഗിക്കുന്നതിനാല്‍ വരുന്ന രോഗങ്ങള്‍ സംബന്ധിച്ച മുന്നറിയിപ്പ് നല്‍കുന്നുണ്ട്.
അടുത്തിടെ ഇന്ത്യയില്‍ ഇ-സിഗരറ്റ് പൂര്‍ണ്ണമായും നിരോധിച്ചിരുന്നു. അമേരിക്കയില്‍ ഇതിന്‍റെ ഉപയോഗത്തിനാല്‍ ഒരു വര്‍ഷത്തിനിടെ 42 മരണങ്ങള്‍ സംഭവിച്ചെന്നാണ് ഫെഡറല്‍ ഏജന്‍സി കണക്ക്. 2,000 പേര്‍ ശ്വാസകോശ സംബന്ധിയായ അസുഖങ്ങളും ബാധിച്ചെന്നും പറയുന്നു.