കടുവ, സിംഹം, പുള്ളിപ്പുലി, ഹിമപ്പുലി, ചീറ്റ, പ്യൂമ, ജാഗ്വാർ എന്നീ ഏഴ് വലിയ മാര്‍ജാര വിഭാഗങ്ങളിൽ, അഞ്ച് വലിയ ജീവികളായ കടുവ, സിംഹം, പുള്ളിപ്പുലി, ഹിമപ്പുലി, ചീറ്റ എന്നിവ ഇന്ത്യയിലുണ്ട്. അതേസമയം പ്യൂമ, ജാഗ്വാറും ഇന്ത്യയിലില്ല.
കടുവകളടക്കമുള്ള മാര്‍ജ്ജാര വിഭാഗങ്ങളിലെ വലിയ ജീവികളുടെ വംശനാശഭീഷണിയെ നേരിടുന്നതിന്‍റെ ഭാഗമായി ഇവയുടെ പരസ്പര കൈമാറ്റത്തിനായി ഇന്ത്യയുടെ നേതൃത്വത്തില്‍ 96 രാജ്യങ്ങളുടെ ഒരു സഖ്യരൂപീകരണത്തിന് കേന്ദ്രമന്ത്രി സഭയുടെ അംഗീകാരം. 'ഇന്‍റർനാഷണൽ ബിഗ് ക്യാറ്റ് അലയൻസ്' എന്നാണ് ഈ സഖ്യം അറിയപ്പെടുക. കഴിഞ്ഞ ദിവസത്തെ മന്ത്രിസഭാ യോഗത്തിലാണ്, 2023-24 മുതൽ 2027-28 വരെയുള്ള അഞ്ച് വർഷത്തേക്ക് 150 കോടി രൂപ നീക്കിവച്ച് ഇന്ത്യ ആസ്ഥാനമായി ഇന്‍റർനാഷണൽ ബിഗ് ക്യാറ്റ് അലയൻസ് (International Big Cat Alliance - IBCA) സ്ഥാപിക്കുന്നതിന് കേന്ദ്ര മന്ത്രിസഭ അംഗീകാരം നൽകിയത്. കൂടുതല്‍ ഫണ്ട് കണ്ടെത്തുന്നതിന് ഉഭയകക്ഷി, ബഹുമുഖ ഏജൻസികളിൽ നിന്നുള്ള സംഭാവനകൾ, മറ്റ് സ്ഥാപനങ്ങള്‍, പൊതുമേഖലാ സ്ഥാപനങ്ങൾ, ദേശീയ അന്തർദേശീയ ധനകാര്യ സ്ഥാപനങ്ങൾ, ദാതാക്കളുടെ ഏജൻസികൾ എന്നിവയിൽ നിന്നും സാമ്പത്തിക സഹായം സമാഹരിക്കും.
കടുവ, സിംഹം, പുള്ളിപ്പുലി, ഹിമപ്പുലി, ചീറ്റ, പ്യൂമ, ജാഗ്വാർ എന്നീ ഏഴ് വലിയ മാര്‍ജാര വിഭാഗങ്ങളിൽ, അഞ്ച് വലിയ ജീവികളായ കടുവ, സിംഹം, പുള്ളിപ്പുലി, ഹിമപ്പുലി, ചീറ്റ എന്നിവ ഇന്ത്യയിലുണ്ട്. അതേസമയം പ്യൂമ, ജാഗ്വാറും ഇന്ത്യയിലില്ല. ഇവയുടെ പരസ്പര കൈമാറ്റവും സംരക്ഷണവും പദ്ധതിയില്‍ ഉള്‍പ്പെടുന്നു. ഇന്‍റർനാഷണൽ ബിഗ് ക്യാറ്റ് അലയൻസ് എന്നത് 96 ബിഗ് ക്യാറ്റ് റേഞ്ച് രാജ്യങ്ങൾ, വലിയ പൂച്ചകളുടെ സംരക്ഷണത്തിൽ താൽപ്പര്യമുള്ള നോൺ-റേഞ്ച് രാജ്യങ്ങൾ, സംരക്ഷണ പങ്കാളികൾ, വലിയ പൂച്ചകളുടെ സംരക്ഷണ മേഖലയിൽ പ്രവർത്തിക്കുന്ന ശാസ്ത്ര സംഘടനകൾ, കൂടാതെ വലിയ പൂച്ചകളുടെ ഉന്നമനത്തിനായി സംഭാവന നൽകാനും നെറ്റ്‍വർക്കുകൾ സ്ഥാപിക്കാനും കേന്ദ്രീകൃതമായ രീതിയിൽ കൂട്ടായ പ്രവർത്തനങ്ങൾ വികസിപ്പിക്കാൻ തയ്യാറുള്ള ബിസിനസ് ഗ്രൂപ്പുകളും കോർപ്പറേറ്റുകളും എന്നിവയുടെ ഒരു ബഹു രാഷ്ട്ര, മൾട്ടി-ഏജൻസി സഖ്യമാണ്. ഈ സഖ്യത്തിന്‍റെ നേതൃത്വത്തില്‍ സാമ്പത്തിക പിന്തുണയോടെ, വിജയകരമായ പ്രവർത്തനങ്ങളുടെയും ഉദ്യോഗസ്ഥരുടെയും ഒരു കേന്ദ്രീകൃത കൂട്ടായ്മ ഒരു പൊതു പ്ലാറ്റ്ഫോമിലേക്ക് കൊണ്ടുവരുന്നതിലൂടെ വലിയ പൂച്ചകളുടെ എണ്ണം കുറയുന്നത് തടയാന്‍ കഴിയുമെന്ന് പദ്ധതി അവകാശപ്പെടുന്നു.
undefined
അതിവേഗ വേട്ടക്കാരന്‍, കശേരുക്കളില്ലാത്ത ദ്വിലിംഗജീവി; പുതിയ ഇനം കടല്‍ ഒച്ചിന് രാഷ്ട്രപതിയുടെ പേര് !
പരസ്പരം പ്രയോജനം ലഭിക്കും വിധത്തിൽ രാജ്യങ്ങൾ തമ്മിലുള്ള പരസ്പര സഹകരണം സഖ്യം ലക്ഷ്യമിടുന്നു. വിജ്ഞാനം പങ്കിടൽ, ശേഷി വർദ്ധിപ്പിക്കൽ, നെറ്റ്വർക്കിംഗ്, നിയമോപദേശം, സാമ്പത്തിക-വിഭവ പിന്തുണ, ഗവേഷണം, സാങ്കേതിക പിന്തുണ, വിദ്യാഭ്യാസം, ബോധവൽക്കരണം എന്നിവയിൽ വിശാലാടിസ്ഥാനത്തിലും ബന്ധങ്ങൾ സ്ഥാപിക്കുന്നതിലും ഐബിസിഎയ്ക്ക് പ്രധാനസ്ഥാനമുണ്ടാകും. പദ്ധതിയിലൂടെ പരിസ്ഥിതി പ്രതിരോധത്തിലും കാലാവസ്ഥാ വ്യതിയാന ലഘൂകരണത്തിലും വലിയ ശ്രമങ്ങൾ നടത്താൻ കഴിയും. ഇത് സാമ്പത്തിക, വികസന നയത്തിൽ കേന്ദ്രീകൃതമായ ഒരു ഭാവി സൃഷ്ടിക്കുമെന്നും മന്ത്രിസഭ പുറത്തിറക്കിയ പത്രക്കുറിപ്പില്‍ പറയുന്നു. വലിയ മാര്‍ജ്ജാര വിഭാഗങ്ങളുടെ വ്യാപനത്തിനായി ഒരു സഹകരണ പ്ലാറ്റ്ഫോം വഴിയുള്ള കൂട്ടായ്മയാണ് ഐബിസിഎ വിഭാവനം ചെയ്യുന്നത്. പദ്ധതി പാരിസ്ഥിതിക ഭാവി സുരക്ഷിതമാക്കുന്നതിനും കാലാവസ്ഥാ വ്യതിയാനത്തിന്‍റെ പ്രതികൂല ഫലങ്ങൾ ലഘൂകരിക്കുന്നതിനും സംരക്ഷിക്കുന്നതിനും സഹായകരമാകുമന്നും പത്രക്കുറിപ്പില്‍ പറയുന്നു.
പദ്ധതി യുവാക്കളും പ്രാദേശിക സമൂഹങ്ങളും ഉൾപ്പെടെയുള്ള ബഹുജനങ്ങൾക്കിടയിൽ ബിഗ് ക്യാറ്റ് കൺസർവേഷൻ-കാമ്പെയ്ൻ ഉറപ്പാക്കുന്നതിനുള്ള പ്രവര്‍ത്തനങ്ങള്‍ ശക്തമാക്കും. ഒപ്പം കൃഷി, വനം, ടൂറിസം, അടിസ്ഥാന സൗകര്യ വികസനം എന്നിവ ഉൾപ്പെടെ; സുസ്ഥിരമായ ഭൂവിനിയോഗ സമ്പ്രദായങ്ങൾ, ആവാസ വ്യവസ്ഥ പുനഃസ്ഥാപിക്കൽ സംരംഭങ്ങൾ, ജൈവവൈവിധ്യ സംരക്ഷണത്തെ പിന്തുണയ്ക്കുന്ന, കാലാവസ്ഥാ വ്യതിയാനം, ഭക്ഷ്യസുരക്ഷ, ശുദ്ധജലം, ദാരിദ്ര്യനിർമാർജനം എന്നിവയുമായി ബന്ധപ്പെട്ട എസ്ഡിജികൾക്ക് സംഭാവന നൽകുന്ന ആവാസവ്യവസ്ഥയെ അടിസ്ഥാനമാക്കിയുള്ള സമീപനങ്ങളെയും പ്രോത്സാഹിപിക്കുന്നു.
വന്യമൃഗ സംഘര്‍ഷം; വയനാട്ടിലെ കടുവാ കണക്കുകള്‍ പുറത്ത് വിട്ട് വനംവകുപ്പ്
ഐബിസിഎ ഭരണത്തിൽ അംഗങ്ങളുടെ അസംബ്ലി, സ്റ്റാൻഡിംഗ് കമ്മിറ്റി, ഇന്ത്യ ആസ്ഥാനമായുള്ള ഒരു സെക്രട്ടേറിയറ്റ് എന്നിവ ഉൾപ്പെടുന്നു. ഇന്‍റർനാഷണൽ സോളാർ അലയൻസ് (ഐഎസ്എ) പാറ്റേണിലാണ് കരാറിന്‍റെ നിയമം തയ്യാറാക്കിയിരിക്കുന്നത്, ഇത് ഇന്‍റർനാഷണൽ സ്റ്റിയറിംഗ് കമ്മിറ്റി (ഐഎസ്സി) അന്തിമമാക്കും. സഭാസമ്മേളനത്തിൽ ഐബിസിഎ സ്വന്തം ഡിജിയെ നിയമിക്കുന്നത് വരെ ഐബിസിഎ സെക്രട്ടേറിയറ്റിന്‍റെ ഇടക്കാല തലവനായി വനം പരിസ്ഥിതി മന്ത്രാലയം ഡിജിയുടെ നിയമനം നടത്തും. മന്ത്രിതലത്തിലുള്ള ഐബിസിഎ അസംബ്ലിയുടെ അധ്യക്ഷൻ എച്ച്എംഇഎഫ്സിസി തലവനായിരിക്കും. വലിയ മാര്‍ജ്ജാരവിഭാഗങ്ങളുടെ ആവാസ വ്യവസ്ഥകളെയും സംരക്ഷിക്കുന്നതിലൂടെ, പ്രകൃതിദത്ത കാലാവസ്ഥാ പൊരുത്തപ്പെടുത്തൽ, ജലം, ഭക്ഷ്യ സുരക്ഷ, തുടങ്ങി ആവാസവ്യവസ്ഥയെ ആശ്രയിക്കുന്ന ആയിരക്കണക്കിന് സമൂഹങ്ങളുടെ ക്ഷേമം എന്നിവയ്ക്ക് ഐബിസിഎ സംഭാവന നൽകുന്നെന്നും പത്രക്കുറിപ്പില്‍ പറയുന്നു.
ആന, സിംഹം, കടുവ...; 3,000 ഏക്കറില്‍ വന്യമൃഗങ്ങള്‍ക്ക് അംബാനിയുടെ 'വൻതാര' പദ്ധതി!