Mar 15, 2022, 10:32 AM IST
ഒരിടവേളയ്ക്ക് ശേഷം വീണ്ടും നിരത്തുകളിൽ ചീറി പായുകയാണ് ടൂറിസ്റ്റ് ബസുകൾ. അമിതമായ ശബ്ദവും,ലേസർ ലൈറ്റുകളുമൊക്കെയായി നിയമം കാറ്റിൽപറത്തിയാണ് ബസുകൾ നിരത്തിലിറങ്ങിയിരിക്കുന്നത്. കൊവിഡ് നിയന്ത്രണങ്ങൾക്ക് സർക്കാർ ഇളവ് വരുത്തിയതിന് പിന്നാലെ കോളേജുകളിൽ നിന്ന് വിനോദ യാത്ര പോകുന്നത് വീണ്ടും ആരംഭിച്ചിട്ടുണ്ട്. ലേസർ ലൈറ്റുകൾ വച്ച ഇത്തരം ബസുകളോടാണ് വിദ്യാർത്ഥികൾക്കും താത്പര്യം. ഡാൻസ് ഫ്ലോറുകൾ ഉൾപ്പെടെ സജ്ജീകരിച്ച് അടിമുടി നിയമവിരുദ്ധമായ രീതിയിലാണ് ഇത്തരം ബസുകൾ നിരത്തിലേക്ക് വീണ്ടും ഇറങ്ങിയിരിക്കുന്നത്.