Mar 12, 2022, 10:39 AM IST
പഞ്ചാബിൽ കോൺഗ്രസിന്റെ മുഖ്യമന്ത്രി സ്‌ഥാനാർത്ഥിയായിരുന്ന ചരൺജിത് സിംഗ് ഛന്നിയെ പരാജയപ്പെടുത്തിയ മൊബൈൽ ഷോപ്പ് നടത്തുന്ന ലാഭ് സിംഗ് ഉകുകെയാണ് ഇപ്പോൾ വാർത്തകളിലെ താരം. കഷ്ടപാടുകളിലൂടെയാണ് താൻ വളർന്നു വന്നത്. അമ്മ സ്കൂളിലെ തൂപ്പുകാരിയാണ്, അച്ഛൻ കൂലിപ്പണിക്കാരനാണ്. ജനങ്ങൾ വലിയ ഉത്തരവാദിത്വമാണ് തന്നെ ഏൽപ്പിച്ചിരിക്കുന്നതെന്നും, ആ വിശ്വാസം കാക്കാൻ ശ്രമിക്കുമെന്നും ലാഭ് സിംഗ് പറയുന്നു. അടിസ്‌ഥാന സൗകര്യങ്ങളുടെ വികസനത്തിനും,വിദ്യാഭ്യാസത്തിനും,ആരോഗ്യ മേഖലയ്ക്കും കൂടുതൽ പ്രാധാന്യം നൽകി കൊണ്ട് പ്രവർത്തിക്കാൻ ശ്രമിക്കുമെന്നും അദ്ദേഹം ഏഷ്യാനെറ്റ് ന്യൂസിനോട് പറഞ്ഞു.