Jun 4, 2020, 3:05 PM IST
ഇന്ത്യന്‍ ബാങ്കുകളില്‍ നിന്ന് 9961 കോടി രൂപ വെട്ടിച്ച് ബ്രിട്ടണിലേക്ക് കടന്നുകളഞ്ഞ വ്യവസായി വിജയ് മല്യയെ ഏതുനിമിഷവും ഇന്ത്യയിലേക്കെത്തിക്കുമെന്ന് വിവരം. നിയമനടപടികള്‍ പൂര്‍ത്തിയാക്കി പ്രത്യേക വിമാനത്തില്‍ മുംബൈയിലേക്കെത്തിച്ച് കോടതിയില്‍ ഹാജരാക്കാനാണ് ഉദ്ദേശിക്കുന്നത്. സിബിഐ,എന്‍ഫോഴ്‌സ്‌മെന്റ് ഡയറക്ടറേറ്റ് ഉദ്യോഗസ്ഥരുടെ അകമ്പടിയോടെ മുംബൈയിലെത്തിക്കുന്ന മല്യയെ കോടതിയില്‍ ഹാജരാക്കിയ ശേഷം നടപടികള്‍ പൂര്‍ത്തിയാക്കി ആര്‍തര്‍ റോഡ് ജയിലിലേക്ക് മാറ്റും.