Sep 12, 2020, 4:10 PM IST
കഴിഞ്ഞ ദിവസം അന്തരിച്ച സ്വാമി അഗ്നിവേശിനെതിരെ വിവാദ പരാമര്‍ശവുമായി മുന് സിബിഐ ഡയറക്ടര് എം നാഗേശ്വര റാവു. കാലന്‍ എന്തിനാണ് ഇത്രകാലവും കാത്തിരുന്നതെന്ന ചോദ്യത്തോടെയാണ് റാവുവിന്റെ ട്വീറ്റ്. വലിയ രോഷമാണ് മുന് ഐപിഎസ് ഓഫീസറുടെ ട്വീറ്റിനെതിരെ സാമൂഹിക മാധ്യമങ്ങളിലുണ്ടായത്. മരണസമയത്തും അധിക്ഷേപമുന്നയിക്കുന്നതിനെതിരെ വ്യാപക വിമര്‍ശനമുയര്‍ന്നിട്ടും ട്വീറ്റ് പിന്‍വലിക്കാതെ ന്യായീകരണം തുടരുകയാണ് നാഗേശ്വര റാവു.