Mar 12, 2022, 10:46 AM IST
കൊച്ചി ഇൻക്ഫെക്ടഡ് ടാറ്റൂ സെന്ററിലെ ടാറ്റൂ ആർട്ടിസ്റ്റ് സുജേഷിനെതിരെ പരാതിയുമായി വിദേശ വനിതയും രംഗത്ത്. ടാറ്റു ചെയ്യവേ ലൈംഗീകമായി ഉപദ്രവിച്ചുവെന്ന് കാണിച്ചാണ് യുവതി കൊച്ചി പൊലീസ് കമ്മീഷണർക്ക് പരാതി നൽകിയിരിക്കുന്നത്. 2019ലാണ് സംഭവം നടന്നത്. ആ സമയം പരാതിക്കാരി കൊച്ചിയിലെ കോളേജിൽ വിദ്യാർത്ഥിനിയായിരുന്നു. യുവതിക്കൊപ്പം ഉണ്ടായിരുന്ന പുരുഷ സുഹൃത്തിനെ മുറിക്ക് പുറത്താക്കിയാണ് സുജേഷ് ഉപദ്രവിച്ചതെന്നാണ് പരാതിയിൽ പറയുന്നത്. നിലവിൽ സുജേഷിനെതിരെ ആറ് പരാതികളാണുള്ളത്. ഉടൻതന്നെ വിദേശത്തുള്ള യുവതിയുടെ വിശദമായ മൊഴി വീഡിയോ കോൺഫറൻസിലൂടെ രേഖപ്പെടുത്തുമെന്നാണ് പൊലീസ് പറയുന്നത്.