പ്രകോപിതരായ സിംഹങ്ങൾ ഗേറ്റിനപ്പുറത്തേക്ക് ചെല്ലാനുള്ള ശ്രമങ്ങൾ നടത്തുന്നുണ്ട്. അവ ഗേറ്റിലിലിടിക്കുന്നതും അകത്തേക്ക് കയറാൻ വഴി തേടുന്നതും ഒക്കെ കാണാം.
വന്യമൃഗങ്ങളുടെ ഞെട്ടിക്കുന്ന അനേകം ദൃശ്യങ്ങൾ ഓരോ ദിവസവുമെന്നോണം നാം സോഷ്യൽ മീഡിയയിൽ കാണാറുണ്ട്. ജനവാസമേഖലയിലിറങ്ങുന്ന മൃഗങ്ങളും അതിൽ പെടും. അതുപോലെ ഒരു വീഡിയോയാണ് ഗുജറാത്തിൽ നിന്നും ഇപ്പോൾ പുറത്ത് വരുന്നത്. രണ്ട് സിംഹങ്ങൾ രണ്ട് നായകളുമായി നേർക്കുനേർ വരുന്നതാണ് വീഡിയോയിൽ കാണുന്നത്.
ഗുജറാത്തിലെ അമ്രേലിയിൽ നിന്നാണ് ഈ ഭയാനകരംഗങ്ങൾ പുറത്ത് വന്നിരിക്കുന്നത് എന്നാണ് റിപ്പോർട്ടുകൾ പറയുന്നത്. രണ്ട് സിംഹങ്ങളും രണ്ട് നായകളും തമ്മിലുള്ള നേർക്കുനേർ നിന്നുള്ള രംഗങ്ങളാണിത്. എന്നാൽ, ഇവയ്ക്കിടയിൽ ഒരു ഗേറ്റുണ്ട്. അതിനപ്പുറവും ഇപ്പുറവും നിന്നാണ് രണ്ട് കൂട്ടരും പരസ്പരം ഭയപ്പെടുത്താൻ ശ്രമിക്കുന്നത്.
undefined
വീഡിയോയിൽ ഒരു ഗേറ്റ് കാണാം. അവിടേക്ക് രണ്ട് സിംഹങ്ങൾ വരുന്നതാണ് പിന്നീട് കാണുന്നത്. ഗേറ്റിന്റെ മറുവശത്തായി രണ്ട് നായകളും പ്രത്യക്ഷപ്പെടുന്നു. ഇതോടെ, നായകൾ സിംഹങ്ങൾക്ക് നേരെ കുരയ്ക്കുന്നതും ശബ്ദം വയ്ക്കുന്നതുമാണ് പിന്നീട് കാണുന്നത്. തങ്ങളുടെ ടെറിറ്ററിയിൽ എന്താണ് കാര്യം എന്നതുപോലെയാണ് രണ്ട് കൂട്ടരും പെരുമാറുന്നത്.
"શેરની માથે સવા શેર"
गुजराती की यह कहावत का अर्थ है की “अगर शेर से भी कोई खूंखार है तो उसको सवा शेर कहते हैं।”
इस दृश्य में दो कुत्ते जंगल के पास आये खेत में शेर के सामने लड़ रहे है। वीडियो गुजरात के अमरेली इलाक़े का है। pic.twitter.com/qEpz8bhDQU
പ്രകോപിതരായ സിംഹങ്ങൾ ഗേറ്റിനപ്പുറത്തേക്ക് ചെല്ലാനുള്ള ശ്രമങ്ങൾ നടത്തുന്നുണ്ട്. അവ ഗേറ്റിലിലിടിക്കുന്നതും അകത്തേക്ക് കയറാൻ വഴി തേടുന്നതും ഒക്കെ കാണാം. ഒടുവിൽ, സിംഹങ്ങൾ മറയുകയാണ്. അപ്പോഴേക്കും ഗേറ്റ് തുറന്ന് വരുന്നുണ്ട്. നായ പുറത്തേക്കിറങ്ങി നോക്കുന്നതും കാണാം.
ഈ സമയത്ത് ഒരാൾ നായയുടെ ബഹളം കേട്ടിട്ടാണ് എന്ന് തോന്നുന്നു അങ്ങോട്ട് വരുന്നതും ടോർച്ചടിച്ച് അവിടമാകെ പരിശോധിക്കുന്നതും വീഡിയോയിൽ കാണാം. എന്തായാലും അതീവ ഭയാനകമായ രംഗങ്ങളാണ് വീഡിയോയിൽ പതിഞ്ഞിരിക്കുന്നത് എന്നതിൽ സംശയമില്ല.