28 സെക്കന്റ് ദൈർഘ്യമുള്ള വീഡിയോയിൽ ട്രെയിനിന്റെ ബോഗിക്കുള്ളിൽ കടന്ന പാമ്പിനെ ഉദ്യോഗസ്ഥർ പിടികൂടുന്നതിന്റെ ദൃശ്യങ്ങൾ വ്യക്തമാണ്.
ഡെറാഡൂൺ: ഉത്തരാഖണ്ഡിൽ ട്രെയിനിനുള്ളിൽ കടന്ന പത്തടി നീളമുള്ള രാജവെമ്പാലയെ വനം വകുപ്പ് ഉദ്യോഗസ്ഥർ പിടികൂടി. കത്ത്ഗോദാം റെയിൽവെ സ്റ്റേഷനിലാണ് സംഭവം. അതിസാഹസികമായി മൂന്ന് വനംവകുപ്പ് ഉദ്യോഗസഥർ ചേർന്ന് രാജവെമ്പാലയെ പിടികൂടുന്നതിന്റെ ദൃശ്യങ്ങൾ സമൂഹമാധ്യമങ്ങളില്‍ വ്യാപകമായി പ്രചരിക്കുകയാണിപ്പോൾ.
ഉത്തരാഖണ്ഡ് വനം വകുപ്പ് ഉദ്യോഗസ്ഥനായ ഡോ. പിഎം ദകാതേയാണ് ട്വിറ്ററിലൂടെ വീഡിയോ പങ്കുവച്ചിരിക്കുന്നത്. 28 സെക്കന്റ് ദൈർഘ്യമുള്ള വീഡിയോയിൽ ട്രെയിനിന്റെ ബോഗിക്കുള്ളിൽ കടന്ന പാമ്പിനെ ഉദ്യോഗസ്ഥർ പിടികൂടുന്നതിന്റെ ദൃശ്യങ്ങൾ വ്യക്തമാണ്. വനം വകുപ്പ് ഉദ്യോഗസ്ഥർക്കൊപ്പം റെയിൽവെ അധികൃതരും ചേർന്നാണ് പാമ്പിനെ പിടികൂടിയത്.
a 10 foot King Cobra snake was rescued by the UKFD rescue team along with RFP Kathgodam Railway Station, India. Both the teams ensured safekeeping of passengers, mob, keeping the train on schedule & rescuing the animal. Later King Cobra was released in the forest pic.twitter.com/Y2I1ghc6Cl
— Dr. PM Dhakate (@paragenetics)
undefined
കത്ത്ഗോദാം സ്റ്റേഷനിൽ ട്രെയിൻ നിർത്തിയപ്പോഴാണ് ബോഗിക്കടിയിലെ എഞ്ചിന്‍ ഭാഗത്ത് ചുറ്റിയനിലയിൽ രാജവെമ്പാലയെ കണ്ടെത്തിയത്. തുടർന്ന് യാത്രകകാരെ ഇറക്കി റെയിൽവെ അധികൃതർ വനം വകുപ്പിനെ വിവരമറിയിച്ചു. ട്രെയിനിൽനിന്ന് രക്ഷിച്ച പത്തടി നീളമുള്ള മൂർഖനെ പിടികൂടിയശേഷം ഉദ്യോഗസ്ഥർ കാട്ടിലേക്കയച്ചു.
സമൂഹമാധ്യമങ്ങളിൽ വൈറലായ വീഡിയോയിലെ പത്തടി നീളമുള്ള രാജവെമ്പാലയെ കണ്ട് ഞെട്ടിയിരിക്കുകയാണ് ആളുകൾ. കൂടാതെ, പാമ്പിനെ രക്ഷിച്ച് സുരക്ഷിതസ്ഥാനത്ത് എത്തിച്ച വനം വകുപ്പ് ഉദ്യോഗസ്ഥരെ അഭിനന്ദിച്ചും ആളുകൾ എത്തുന്നുണ്ട്.