ഉത്സവ സീസണിൽ വിമാനം വഴി യാത്ര ചെയ്യാൻ ഉദ്ദേശിക്കുന്നവരാണോ നിങ്ങൾ? എങ്കിൽ വില കൂടിയ ടിക്കറ്റ് നിരക്കുകൾ നിങ്ങളെ മാനസികമായി തകർക്കാൻ സാധ്യത ഉണ്ടെന്നാണ് റിപ്പോര്‍ട്ടുകൾ.
വരാനിരിക്കുന്ന ഉത്സവ സീസണിൽ വിമാനം വഴി യാത്ര ചെയ്യാൻ ഉദ്ദേശിക്കുന്നവരാണോ നിങ്ങൾ? എങ്കിൽ വില കൂടിയ ടിക്കറ്റ് നിരക്കുകൾ നിങ്ങളെ മാനസികമായി തകർക്കാൻ സാധ്യത ഉണ്ടെന്നാണ് റിപ്പോര്‍ട്ടുകൾ. ട്രാവൽ കമ്പനിയായ തോമസ് കുക്കിൽ നിന്നുള്ള ഡാറ്റയെയും ലൈവ്മിൻ്റ് റിപ്പോർട്ടിനെയും ഉദ്ധരിച്ച് ബിസിനസ് സ്റ്റാൻഡേർഡ്‍സാണ് ഇക്കാര്യം റിപ്പോര്‍ട്ട് ചെയ്യുന്നത്. സെപ്റ്റംബറിൽ വിമാന യാത്രയ്ക്കുള്ള ആവശ്യം ഉയർന്ന നിലയിൽ തുടരുന്നതിനാൽ ചില റൂട്ടുകളിൽ എയർലൈൻ ടിക്കറ്റ് നിരക്കിൽ വൻ വർധനയുണ്ടായതായിട്ടാണ് റിപ്പോര്‍ട്ടുകൾ.
ഡൽഹിയിൽ നിന്ന് ചണ്ഡീഗഡിലേക്കും ബാഗ്‌ഡോഗ്രയിലേക്കുമുള്ള വിമാന യാത്രാ ചെലവ് മുൻവർഷത്തെ അപേക്ഷിച്ച് 10 മുതൽ 20 ശതമാനം വർധിച്ചതായി റിപ്പോർട്ട് ചൂണ്ടിക്കാട്ടുന്നു. മുംബൈയിൽ നിന്നുള്ള ഉദയ്‍പൂർ, ഗോവ എന്നിവിടങ്ങളിലേക്കുള്ള വിമാനങ്ങളുടെ വില 13 ശതമാനം വരെ വർധിച്ചു. ബെംഗളൂരുവിൽ നിന്ന് ഗോവ, ലേ, ചണ്ഡീഗഡ്, ശ്രീനഗർ എന്നിവിടങ്ങളിലേക്കുള്ള വിമാനങ്ങളുടെ നിരക്ക് 11 ശതമാനം വരെ ഉയർന്നു.
undefined
ചെറിയ റൂട്ടുകളിൽ പോലും ആഭ്യന്തര വിമാനങ്ങളുടെ ആവശ്യകത വർദ്ധിക്കുന്നത് ഒന്നിലധികം പൊതു അവധി ദിവസങ്ങളുടെ അനന്തരഫലമാണെന്ന് വിദഗ്ധർ പറയുന്നു. ജന്മാഷ്ടമി, സ്വാതന്ത്ര്യദിനം തുടങ്ങിയ നിരവധി അവധി ദിനങ്ങളും വാരാന്ത്യങ്ങളിൽ അണിനിരക്കുന്നു. ഇത് ജനങ്ങളുടെ യാത്രാ പദ്ധതികളെ കൂടുതൽ ഉത്തേജിപ്പിക്കുന്നു.
കൂടാതെ, വിമാനങ്ങളിലെ വിതരണ പ്രതിസന്ധിയും ഉയർന്ന വിമാനക്കൂലിക്ക് കാരണമാകുന്ന ഒരു പ്രധാന ഘടകമാണ്. ഒരു വർഷം മുമ്പത്തെ അപേക്ഷിച്ച് വിമാന വാടകയിൽ വർധനവുണ്ടായതായി കണക്കുകൾ വ്യക്തമാക്കുന്നു. യുകെ ആസ്ഥാനമായുള്ള ഏവിയേഷൻ റിസർച്ച് സ്ഥാപനമായ ഇഷ്‍കയുടെ അഭിപ്രായത്തിൽ, എയർബസ് എ320 10 വർഷത്തെ ശരാശരി മാർക്കറ്റ് ലീസ് നിരക്ക് ജനുവരിയിൽ (വർഷാവർഷം) 14 ശതമാനം ഉയർന്ന് പ്രതിമാസം 177,000 ഡോളർ ആയി. ബോയിംഗ് ബി 737-800 ന്, വിലകൾ വർഷം തോറും 13 ശതമാനം ഉയർന്നതായി ലൈവ്മിന്‍റിനെ ഉദ്ധരിച്ച് ബിസിനസ് സ്റ്റാൻഡേർഡ്‍സ് റിപ്പോര്‍ട്ട് ചെയ്യുന്നു.
അതുകൊണ്ടുതന്നെ എയർബസ് 320, ബോയിംഗ് 737 വിമാനങ്ങൾ എന്നിവ ഉപയോഗിക്കുന്ന ഇൻഡിഗോ, എയർ ഇന്ത്യ എക്സ്പ്രസ്, സ്പൈസ് ജെറ്റ് തുടങ്ങിയ ഇന്ത്യൻ എയർലൈനുകളുടെ നിരക്കുകളിൽ ഈ അധിക ചെലവ് പ്രതിഫലിക്കുമെന്ന് പ്രതീക്ഷിക്കുന്നു. ആഗോളതലത്തിൽ കൊവിഡ് മാഹാമാരിക്ക് മുമ്പുള്ള നിലവാരത്തിനടുത്തായി ട്രാഫിക് ലെവലും എത്തിയതിനാൽ എയർലൈൻ വ്യവസായത്തിലെ ശേഷി പ്രതിസന്ധി ഉടനടി വെല്ലുവിളിയായി കാണപ്പെടുന്നു. യാത്രയുടെ ഏറ്റവും പ്രധാനപ്പെട്ട സീസണായ ഡിസംബറിൽ, 2022 ഡിസംബറിനെ അപേക്ഷിച്ച് അന്താരാഷ്ട്ര വിമാന ഗതാഗതം 25.3 ശതമാനം ഉയർന്നു. 2019-ന് മുമ്പുള്ള മഹാമാരി വർഷവുമായി താരതമ്യപ്പെടുത്തുമ്പോൾ, ഡിസംബറിലെ ട്രാഫിക് 97.5 ശതമാനമാണ്.