മുംബൈ: ഇന്ത്യന്‍ വിപണിയിലേക്ക് ഷവോമി എംഐ 5എക്സ് എത്തുമോ എന്നതില്‍ അവ്യക്തത. സെപ്തംബര്‍ 5ന് ഷവോമി പുറത്തിറക്കാന്‍ ഇരിക്കുന്നത് ആടുത്തിടെ ആഗോളതലത്തില്‍ അവതരിപ്പിച്ച എംഐ 5 എക്സ് ആയിരിക്കില്ലെന്നാണ് റിപ്പോര്‍ട്ട്. റെഡ്മി നോട്ട് 4 ന്‍റെ 50 ലക്ഷത്തോളം യൂണിറ്റുകളാണ് ഷവോമി ഇന്ത്യയില്‍ വിറ്റത്. ഇതിന് പിന്നാലെയാണ് എംഐ 5എക്സ് വിപണിയില്‍ എത്തുന്നു എന്ന വാര്‍ത്ത വന്നിരിക്കുന്നത്.
ആന്‍ഡ്രോയ്ഡ് 7 ല്‍ പ്രവര്‍ത്തിക്കുന്ന ഫോണിന് എംഐയുഐ കസ്റ്റമറൈസേഷന്‍ ഷവോമി നല്‍കുന്നു. 4 ജിബി റാമും 64 ജിബി സ്റ്റോറേജുമുള്ള 625 എസ് ഒ സിയാണ് സിയോമിയുടെ പുതിയ വേര്‍ഷനുള്ളത്. ഷവോമി എംഐ 5എക്സിന്‍റെ ഏറ്റവും ആകര്‍ഷകമായ ഫീച്ചര്‍ ഇതിന്‍റെ ഇരട്ട ക്യാമറയാണ്. 12 എംപി വൈഡ് ആംഗിള്‍ ക്യാമറയും 12 എംപി ടെലിഫോട്ടോ ലെന്‍സുമാണിതിനുള്ളത്. 4 ആക്സിസ് ഇമേജ് സ്റ്റെബിലൈസേഷന്‍ വ്യക്തതയാര്‍ന്ന ചിത്രങ്ങള്‍ എടുക്കാന്‍ സഹായിക്കും.4കെ വീഡിയോ റെക്കോര്‍ഡിങ്ങ് സംവിധാനവുമുണ്ട് എംഐ 5എക്സിന്.
undefined
3080 എംഎഎച്ച് ബാറ്ററിയാണ് ഇതിന്‍റെ മറ്റൊരു ആകര്‍ഷണീയത. ബാറ്ററി എളുപ്പത്തില്‍ ചാര്‍ജ് ചെയ്യാനും കഴിയുമെന്നതും എടുത്ത് പറയണ്ടതാണ്. വൈ ഫൈ 802.11, ഡ്യുല്‍ ബാന്‍റ് , ഹോട്ട്സ് പോട്ട്, ബ്ലൂടൂത്ത് 4.2 പിന്നെ യുഎസ്ബി 2.0 എന്നിവയാണ് ഇതിന്‍റെ കണക്ടീവിറ്റി ഓപ്ഷനില്‍ വരുന്നത്. കറുപ്പ്, ഗോള്‍ഡ്,റോസ് തുടങ്ങിയ നിറങ്ങളില്‍ ഫോണ്‍ ഇറങ്ങിയിട്ടുണ്ട്.
എന്നാല്‍ എംഐ 5 എക്സ് ആല്ല, ഗൂഗിളുമായി ചേര്‍ന്ന് ആന്‍ഡ്രോയ്ഡ് വണ്‍ ശ്രേണിയില്‍ പുതിയ ഫോണ്‍ ആണ് ഷവോമി ഇറക്കുക എന്നാണ് റിപ്പോര്‍ട്ട്. എന്തായാലും ഇത് സംബന്ധിച്ച ടീസര്‍ ഷവോമി ട്വിറ്റര്‍ വഴി പ്രചരിപ്പിച്ചിട്ടുണ്ട്.