വിപണിയില്‍ വന്‍ വില്‍പ്പനയാണ് ആപ്പിള്‍ ഐഫോണ്‍ X ഉണ്ടാക്കുന്നത്. ഫേസ് ഐഡി സംവിധാനവുമായി എത്തിയ ആപ്പിളിന്‍റെ ആദ്യഫോണ്‍ എന്നതാണ് ഐഫോണിന്‍റെ പത്താം എഡിഷനെ വ്യത്യസ്തമാക്കുന്നത് എന്ന് പറയാം. ആപ്പിള്‍ ഐഫോണ്‍ അവതരിപ്പിക്കുമ്പോള്‍ തന്നെ ഒരു മനുഷ്യ മുഖം മാത്രം തിരിച്ചറിയാന്‍ സാധിക്കുന്ന തരത്തിലാണ് ഈ സംവിധാനം ഉണ്ടാക്കിയത് എന്നാണ് ആപ്പിള്‍ സീനിയര്‍ വൈസ് പ്രസിഡന്‍റ് ഫിലിപ്പ് ഷില്ലര്‍ പറഞ്ഞത്.
അതിന് വേണ്ടിയുള്ള ആര്‍ട്ടിഫിഷന്‍ ഇന്‍റലിജന്‍സ് സംവിധാനമാണ് പോലും ആപ്പിള്‍ ഐഫോണ്‍ Xല്‍ ഉള്ളത്. എന്നാല്‍ വിവിധ അന്തര്‍ദേശീയ ടെക് സൈറ്റുകളിലെ വാര്‍ത്തകള്‍ പ്രകാരം ആപ്പിളിന്‍റെ ഈ അവകാശവാദം പൊളിച്ചിരിക്കുകയാണ് സൈബര്‍ സെക്യൂറ്റി സ്ഥാപനമായ ബികെഎവി.
undefined
വെറും 150 ഡോളറില്‍ തീര്‍ത്ത ഒരു 3ഡി പ്രിന്‍റിംഗ് മാസ്ക് ഉപയോഗിച്ച് ഐഫോണ്‍ X ലോക്ക് തകര്‍ത്തുവെന്നാണ് ഇവരുടെ അവകാശവാദം. ഈ ത്രീഡി പ്രിന്‍റിംഗ് മാസ്കില്‍ മൂക്ക് ഒരു ആര്‍ട്ടിസ്റ്റ് ചെയ്തതാണ്. മാസികിലെ പെയ്ന്‍റിംഗ് ഒരു ആര്‍ട്ടിസ്റ്റും ചെയ്തതാണ് ബികെഎവി അധികൃതര്‍ പറയുന്നു.
2008ല്‍ ഫേസ് ഐഡി സംവിധാനവുമായി എത്തിയ തോഷിബ, ലെനോവ, അസ്യൂസ് എന്നിവരുടെ ലാപ്ടോപ്പുകള്‍ ഇത്തരത്തില്‍ ബികെഎവി തുറന്നിരുന്നു.