ഇത്തവണ രണ്ടും കല്‍പ്പിച്ച് ഗോകുലം കേരള മുന്നിട്ടിറങ്ങി. പുത്തന്‍ താരങ്ങളെത്തി. പരിശീലകന്‍ മാറി. ഫലമോ, സീസണില്‍ ആദ്യ കിരീടം. അതും ഫുട്‌ബോള്‍ ചരിത്രത്തില്‍ എന്നെന്നും ഓര്‍ത്തുവെയ്ക്കാവുന്ന ഒന്ന്.
കൊല്‍ക്കത്ത: എത്ര വര്‍ഷമായി കേരളത്തിലേക്ക് ഒരു ദേശീയ ഫുട്‌ബോള്‍ ലീഗ് കിരീടമെത്തിയിട്ട്..? നിലവില്‍ രണ്ട് ലീഗുകള്‍ ഇന്ത്യയിലുണ്ട്. ഇന്ത്യന്‍ സൂപ്പര്‍ ലീഗും ഐ ലീഗും. ഫെഡറേഷന്‍ കപ്പ്, ഡ്യൂറന്റ് കപ്പ് എന്നിങ്ങനെ ടൂര്‍ണമെന്റുകള്‍ വേറെ. അഞ്ച് വയസ് മാത്രമാണ് ഐസ്എല്ലിന് പ്രായം. അഞ്ച് വര്‍ഷത്തിനിടെ കേരള ബ്ലാസ്റ്റേഴ്‌സ് രണ്ട് തവണ ഫൈനലിലെത്തി.എന്നാല്‍ കിരീടം നേടാന്‍ സാധിച്ചില്ല. കേരളത്തില്‍ നിന്നുള്ള ഒരു ഫുട്‌ബോള്‍ ടീം സ്വന്തമാക്കുന്ന മികച്ച നേട്ടവും അതുതന്നെ.
2007ലാണ് ഐ ലീഗ് തുടങ്ങുന്നത്. അതുവരെയുണ്ടായിരുന്ന ദേശീയ ഫുട്‌ബോള്‍ ലീഗ് ഉടച്ചുവാര്‍ത്താണ് ഐ ലീഗ് ആരംഭിച്ചത്. എന്നാല്‍ ഒരിക്കല്‍ പോലും കേരളത്തില്‍ നിന്നുള്ള ഒരു ക്ലബ് കിരീടം നേടിയിരുന്നില്ല.ഗോവ, പശ്ചിമ ബംഗാള്‍ എന്നിവിടങ്ങളില്‍ നിന്നുള്ള ക്ലബുകള്‍ ആധിപത്യം പുലര്‍ത്തി പോന്നു. ഇതിനിടെ നോര്‍ത്ത് ഈസ്റ്റില്‍ നിന്നുള്ള ഐസ്‌വാള്‍ എഫ്‌സിയും പഞ്ചാബില്‍ നിന്നുള്ള മിനര്‍വ എഫ്‌സിയും വരെ ഐ ലീഗ് കിരീടം സ്വന്തമാക്കി. അപ്പോഴും കേരള ടീമുകള്‍ മാനം നോക്കി നിന്നു.
FULL-TIME! The 1⃣2⃣9⃣th edition of the 🏆 comes to an end, and we have a new champion! 💪
Congratulations, 👏🎆🥳🎉
GKFC 2-1 MB ⚔ 🏆 ⚽ pic.twitter.com/f1N3q9geMp
undefined
എന്നാല്‍ ഇത്തവണ രണ്ടും കല്‍പ്പിച്ച് ഗോകുലം കേരള മുന്നിട്ടിറങ്ങി. കഴിഞ്ഞ രണ്ട് ഐ ലീഗ് സീസണില്‍ നിന്നുണ്ടായ നിരാശയാണ് ടീം മാനേജ്‌മെന്റിനെ മാറ്റിചിന്തിപ്പിച്ചത്. ഇത്തവണ പുത്തന്‍ താരങ്ങളെത്തി. പരിശീലകന്‍ മാറി. ഫലമോ, സീസണില്‍ ആദ്യ കിരീടം. അതും ഫുട്‌ബോള്‍ ചരിത്രത്തില്‍ എന്നെന്നും ഓര്‍ത്തുവെയ്ക്കാവുന്ന ഒന്ന്.
പിന്നീട് 22 വര്‍ഷങ്ങള്‍ വേണ്ടിവന്നു കേരളത്തില്‍ നിന്നുള്ള ടീമിന് ഒരു പ്രധാന ഫുട്‌ബോള്‍ കിരീടം സ്വന്തമാക്കാന്‍. ഡ്യൂറന്റ് കപ്പില്‍ മോഹന്‍ ബഗാനെ 2-1ന് തോല്‍പ്പിച്ച് കിരീടം നേടിയതിലൂടെ പ്രൊഫഷണല്‍ ഫുട്‌ബോളിലേക്കുള്ള വരവറിയിച്ചിരിക്കുകയാണ് ഗോകുലം. സ്‌പെയ്‌നില്‍ നിന്ന് പുതിയ പരിശീലകന്‍. എണ്ണം പറഞ്ഞ വിദേശ താരങ്ങള്‍. ചാംപ്യന്‍ഷിപ്പ് നേടാന്‍ മറ്റെന്ത് വേണം..? തുടക്കം കെങ്കേമമാക്കി ഗോകുലം. അന്ന് വിജയനായിരുന്നെങ്കില്‍ ഇന്ന് മാര്‍കസ് ജോസഫെന്ന ട്രിനിഡാഡുകാരന്‍ ടോപ് സ്‌കോററായി. അഞ്ച് മത്സരങ്ങളില്‍ നിന്ന് നേടിയത് പതിനൊന്ന് ഗോളുകള്‍. അതില്‍ രണ്ട് ഹാട്രിക്.