ഗ്യാസ് ലൈറ്റ് പ്രിമീയര്‍ ചടങ്ങില്‍ രാഹുല്‍ പ്രതികരിച്ചു. ദക്ഷിണേന്ത്യൻ സിനിമകളില്‍ അഭിനയിക്കുന്നതില്‍ കുഴപ്പമില്ല കഴിവുകള്‍ എങ്ങനെ വേണമെങ്കിലും പ്രകടിപ്പിക്കാം എന്നാണ് ഇദ്ദേഹം മറുപടി പറഞ്ഞത്.
മുംബൈ: സാറാ അലി ഖാൻ, ചിത്രാംഗ്ദ സിംഗ്, വിക്രാന്ത് മാസി എന്നിവർക്കൊപ്പം ഗ്യാസ് ലൈറ്റ് എന്ന ഹിന്ദിചിത്രത്തില്‍ പ്രധാന വേഷം ചെയ്തിട്ടുണ്ട് നടൻ രാഹുൽ ദേവ്. ഡിസ്നി പ്ലസ് ഹോട്ട്സ്റ്റാറില്‍ ഈ ചിത്രം മാര്‍ച്ച് 31ന് റിലീസ് ചെയ്തിട്ടുണ്ട്. ബോളിവുഡിനെ അപേക്ഷിച്ച് കൂടുതൽ പ്രാദേശിക സിനിമകളിലാണ് രാഹുല്‍ പ്രത്യക്ഷപ്പെടാറ്. ഇതിനെക്കുറിച്ച് ഗ്യാസ് ലൈറ്റ് പ്രിമീയര്‍ ചടങ്ങില്‍ രാഹുല്‍ പ്രതികരിച്ചു. ദക്ഷിണേന്ത്യൻ സിനിമകളില്‍ അഭിനയിക്കുന്നതില്‍ കുഴപ്പമില്ല കഴിവുകള്‍ എങ്ങനെ വേണമെങ്കിലും പ്രകടിപ്പിക്കാം എന്നാണ് ഇദ്ദേഹം മറുപടി പറഞ്ഞത്.
തന്നെ ബോളിവുഡ് ഉപയോഗപ്പെടുത്തിയില്ലെന്ന് രാഹുല്‍ ദേവ് തുറന്നു പറയുന്നു. 70-കളിലെയും 80-കളിലെയും സിനിമകളുടെ അതേ മാതൃക പിന്തുടരുകയും ഒരേ കഥ പറയുകയും ചെയ്തിട്ടും ദക്ഷിണേന്ത്യയിൽ നിന്നുള്ള സിനിമകൾ എങ്ങനെ മികച്ച പ്രകടനം കാഴ്ചവയ്ക്കുന്നു എന്നത് സംബന്ധിച്ചും രാഹുല്‍ ദേവ് പ്രതികരിച്ചു. ദക്ഷിണേന്ത്യൻ സിനിമകളിലെ സംഭാഷണങ്ങളും അഭിനേതാക്കളും ജീവിതത്തേക്കാൾ വലുതാണ്, യഥാർത്ഥ ജീവിതത്തിൽ നിന്ന് വ്യത്യസ്തമായി ആക്ഷൻ, ഫൈറ്റ് സീക്വൻസുകൾ വളരെ നിലവാരത്തിലാണെന്നും അദ്ദേഹം പറഞ്ഞു.
undefined
"നിങ്ങൾ ദക്ഷിണേന്ത്യയിലേക്ക് നോക്കിയാല്‍. അവരുടെ സിനിമകൾ നല്ല പ്രകടനമാണ് നടത്തുന്നത്. പക്ഷേ അവയെല്ലാം 70-80 കാലഘട്ടത്തിലെ സിനിമകളുടെ മാതൃകയാണ് പിന്തുടരുന്നത്. സംഭാഷണങ്ങളും അഭിനേതാക്കളും ജീവിതത്തേക്കാൾ വലുതാണ്, കൂടാതെ ചില ഓവർ ആക്ഷൻ, ഫൈറ്റ് സീക്വൻസുകൾ ഉണ്ടാകും. ഇവയൊന്നും ഒരിക്കലും സംഭവിക്കുന്നതല്ല. എന്നാൽ അതേ കഥ പറയുന്ന രീതി, കഥ പറയുന്ന രീതി, കഥ പറയുമ്പോൾ പ്രേക്ഷകരെ രസിപ്പിക്കുന്നു, പ്രേക്ഷകരെ പിടിച്ചിരുത്തുന്ന രീതി. ഇതിലാണ് കാര്യം. ആളുകൾ അത് എങ്ങനെ മനസ്സിലാക്കുന്നു" - രാഹുൽ ദേവ് ന്യൂസ് 18 ന് നല്‍കിയ അഭിമുഖത്തില്‍ പറയുന്നു.
ചാമ്പ്യൻ, ഓംകാര, രാത് ബാക്കി ഹേ തുടങ്ങിയ ചിത്രങ്ങളില്‍ ശ്രദ്ധേയ വേഷം ചെയ്ത രാഹുൽ അടുത്തിടെ കിച്ച സുദീപിനൊപ്പം കന്നഡ ചിത്രമായ കബ്സയിൽ അഭിനയിച്ചിരുന്നു. ഉപേന്ദ്ര, ശ്രിയ ശരൺ എന്നിവരും അഭിനയിക്കുന്നു. കഴിഞ്ഞ മാസമാണ് ചിത്രം റിലീസ് ചെയ്തത്.
വിജയരാഘവൻ കേന്ദ്ര കഥാപാത്രമാകുന്ന 'പൂക്കാലം', പുതിയ ഗാനം പുറത്ത്
ഒടുവില്‍ കാത്തിരിപ്പ് അവസാനിക്കുന്നു, സുരേഷ് ഗോപിയുടെ 'തമിഴരശൻ' റിലീസിന്