ഇപ്പോള്‍ സ്പൈ യൂണിവേഴ്സിലെ പഠാന്‍ വന്‍ വിജയമായതോടെ വാർ 2 ന്‍റെ ആലോചനയിലാണ് യാഷ് രാജ് എന്നാണ് വിവരം നേരത്തെ പുറത്തുവന്നിരുന്നു.
മുംബൈ: യാഷ് രാജ് ഫിലിംസിന്റെ 2019 ലെ ഹിറ്റ് ചിത്രമാണ് വാര്‍. യാഷ് രാജിന്‍റെ സ്വന്തം സ്പൈ യൂണിവേഴ്സില്‍ പെടുന്ന ചിത്രത്തില്‍ ഹൃത്വിക് റോഷൻ ടൈഗര്‍ ഷെറോഫും ആയിരുന്നു പ്രധാന വേഷത്തില്‍ എത്തിയത്. ചിത്രം ബോക്സ് ഓഫീസില്‍ വന്‍ വിജയമായിരുന്നു.
ഇപ്പോള്‍ സ്പൈ യൂണിവേഴ്സിലെ പഠാന്‍ വന്‍ വിജയമായതോടെ വാർ 2 ന്‍റെ ആലോചനയിലാണ് യാഷ് രാജ് എന്നാണ് വിവരം നേരത്തെ പുറത്തുവന്നിരുന്നു. നേരത്തെ തന്നെ തെലുങ്ക് സൂപ്പർസ്റ്റാർ ജൂനിയര്‍ എന്‍ടിആര്‍ വാര്‍ 2ല്‍ എത്തുന്നു എന്നാണ് റിപ്പോർട്ടുകൾ വന്നിരുന്നു. എന്നാല്‍ ഇപ്പോള്‍ ജൂനിയര്‍ എന്‍ടിആറിന്‍റെ ജന്മദിനത്തില്‍ ഇതിന് സ്ഥിരീകരണം നല്‍കുന്ന രീതിയിലാണ് നടന്‍ ഹൃത്വിക് റോഷൻ ട്വീറ്റ് ചെയ്തിരിക്കുന്നത്.
undefined
ട്വീറ്റില്‍ ജൂനിയര്‍ എന്‍ടിആറിന് ജന്മദിനാശംസ നേര്‍ന്ന് ഹൃത്വിക് ഇങ്ങനെ എഴുതി "ജന്മദിനാശംസകള്‍ തരക്, സന്തോഷകരമായ ദിനവും ആക്ഷന്‍ പാക്ക്ഡായ ഒരു വര്‍ഷവും നേകുന്നു. നിങ്ങളെ ഞാന്‍ 'യുദ്ധ ഭൂമിയില്‍' കാത്തിരിക്കുന്നു സുഹൃത്തെ നമ്മള്‍ കണ്ടുമുട്ടുന്നതുവരെ നിങ്ങള്‍ക്ക് സന്തോഷവും സമാധാനവും ഉള്ള ദിനങ്ങള്‍ നേരുന്നു (സ്മൈലി). ജന്മദിനാശംസകള്‍ സുഹൃത്തെ".
ജൂനിയര്‍ എന്‍ടിആര്‍ ആരാധകര്‍ ഹൃത്വികിന്‍റെ ട്വീറ്റ് ഏറ്റെടുത്തിട്ടുണ്ട്. 'യുദ്ധ ഭൂമിയില്‍' എന്ന് പ്രയോഗിച്ചത് തീര്‍ച്ചയായും വാര്‍ 2 എന്ന ചിത്രത്തിന്‍റെ സൂചനയാണ് എന്നാണ് ആരാധകര്‍ പറയുന്നത്. ഫാന്‍മെയ്ഡ് വീഡിയോകളും ഇതിനൊപ്പം പ്രചരിക്കുന്നുണ്ട്.
Happy Birthday ! Wishing you a joyous day and an action packed year ahead. Awaiting you on the yuddhabhumi my friend. May your days be full of happiness and peace
…until we meet 😉
Puttina Roju Subhakankshalu Mitrama 🙏🏻
അയാന്‍ മുഖര്‍ജി ആയിരിക്കും വാര്‍ 2 സംവിധാനം ചെയ്യുക എന്നാണ് വിവരം. സൂപ്പർ ചാരനായ കബീറിന്റെ വേഷം ഹൃത്വിക് വീണ്ടും അവതരിപ്പിക്കുമ്പോള്‍. ജൂനിയർ എൻടിആർ ചിത്രത്തിലെ വില്ലന്‍ വേഷത്തിലായിരിക്കുമോ എത്തുക എന്ന സസ്പെന്‍സാണ് ഇനി ബാക്കിയാണ് എന്നാണ് ഡ്രേഡ് അനലിസ്റ്റുകള്‍ പറയുന്നത്.
ഷാരൂഖിന്‍റെ പഠാന്‍, സൽമാൻ ഖാന്‍റെ ടൈഗർ ചിത്രങ്ങൾ ഉൾക്കൊള്ളുന്നതാണ് യാഷ് രാജ് സ്പൈ യൂണിവേഴ്‌സ്. ഇതില്‍ ടൈഗര്‍ 3ക്ക് ശേഷമായിരിക്കും വാർ 2 ഒരുങ്ങുക എന്നാണ് വിവരം. പഠാനില്‍ ടൈഗറായി സൽമാൻ അതിഥി വേഷം ചെയ്തിരുന്നു. ഇതിനൊപ്പം തന്നെ പഠാനില്‍ പലയിടത്തും ഹൃത്വിക്കിന്റെ കബീര്‍ എന്ന റോ ഏജന്‍റിനെക്കുറിച്ചുള്ള പരാമര്‍ശങ്ങളും ഉണ്ടായിരുന്നു. സിദ്ധാർത്ഥ് ആനന്ദ് സംവിധാനം ചെയ്ത വാർ 2019-ലെ വലിയ ഹിറ്റുകളിൽ ഒന്നായിരുന്നു.
മാസ് നായകൻ ജൂനിയർ എൻടിആര്‍; പുതിയ ചിത്രം 'ദേവര'; ഫസ്റ്റ് ലുക്ക്‌ പോസ്റ്റർ വൈറല്‍