അമ്മായിയമ്മയ്ക്ക് പ്രിയപ്പെട്ട ചെടികളൊക്കെ വാങ്ങിയാണ് സ്വാസിക ഭര്‍ത്താവിന്റെ വീട്ടിലേക്ക് പോയത്.
മിനിസ്‌ക്രീന്‍ പ്രേക്ഷകരും സിനിമാ പ്രേക്ഷകരും ഒരുപോലെ ആഘോഷിച്ച വിവാഹമായിരുന്നു സ്വാസിക വിജയ് യുടെയും പ്രേം ജേക്കബിന്റെയും. വിവാഹം കഴിഞ്ഞ് ഒരുപാട് നാളൊന്നും സ്വാസിക ബ്രേക്ക് എടുത്തിരുന്നില്ല. ഷൂട്ടിങ് തിരക്കുള്ളതിനാല്‍ പെട്ടന്ന് തന്നെ സെറ്റുകളിലേക്ക് തിരിച്ചെത്തേണ്ടി വന്നു. ഏറ്റെടുത്ത സീരിയല്‍ വര്‍ക്കുകളില്‍ പ്രേമും, ടെലിവിഷന്‍ ഷോകളിലും സിനിമകളിലുമായി സ്വാസികയും തിരക്കിലായിരുന്നു. വിവാഹം കഴിഞ്ഞുള്ള ആദ്യത്തെ വാലന്റൈന്‍സ് ഡേയ്ക്ക് രണ്ട് പേരും ഒരുമിച്ചില്ലായിരുന്നു. അതിന്റെ വിശേഷങ്ങളും നടി തന്റെ സോഷ്യല്‍ മീഡിയ പേജുകളിലൂടെ ആരാധകരെ അറിയിച്ചിട്ടുണ്ട്.
ഇപ്പോഴിതാ വിവാഹം കഴിഞ്ഞ് ആദ്യമായി പ്രേമിന്റെ വീട്ടിലേക്ക് പോകുന്ന വിശേഷമാണ് സ്വാസിക തന്റെ ഏറ്റവും പുതിയ യൂട്യൂബ് വീഡിയോയില്‍ പങ്കുവച്ചിരിയ്ക്കുന്നത്. വിവാഹം കഴിഞ്ഞ് കുറേ ദിവസങ്ങള്‍ക്ക് ശേഷം ഞങ്ങള്‍ ഇപ്പോഴാണ് പരസ്പരം കണ്ടത് എന്ന് സ്വാസിക പറയുന്നു. പ്രേമിന്റെ വീട്ടിലേക്ക് പോകുന്നതും ആദ്യമായിട്ടാണ്. പ്രത്യേകിച്ച് ചടങ്ങുകളൊന്നും ഉണ്ടായിരുന്നില്ല. അമ്മായിയമ്മയ്ക്ക് പ്രിയപ്പെട്ട ചെടികളൊക്കെ വാങ്ങിയാണ് സ്വാസിക ഭര്‍ത്താവിന്റെ വീട്ടിലേക്ക് പോയത്.
undefined
സ്വാസികയുടെ വീട്ടുകാര്‍ ചെറുക്കന്‍ വീട് കാണുന്ന ചടങ്ങും ഉണ്ടായിരുന്നു. താരത്തിന്റെ കസിന്‍ പങ്കുവച്ച വീഡിയോയില്‍ അക്കാര്യങ്ങള്‍ ഉള്‍പ്പെടുത്തിയിട്ടുണ്ട്. ദിവസങ്ങള്‍ക്ക് മുന്‍പ് നടന്ന വിശേഷമാണ് സ്വാസിക ഇപ്പോള്‍ പുറത്ത് വിട്ടത് എന്ന് നിഷാന്ത് മേനോന്റെ ആ പോസ്റ്റില്‍ നിന്നും വ്യക്തം. ആദ്യമായി ഭര്‍ത്താവിന്റെ വീട്ടിലെത്തിയപ്പോഴുള്ള സ്വാസികയുടെ ചെറിയ ചില മാറ്റങ്ങളും ചമ്മലുകളും എല്ലാം ആരാധകര്‍ നിരീക്ഷിച്ചതായി കമന്റുകളില്‍ കാണാം. എന്തായാലും ഈ വീഡിയോയും സ്വാസിക ഫാന്‍സിന് എന്റര്‍ടൈന്‍മെന്റാണ്.
'ആരും വരണ്ട, അവാർഡ് പൃഥ്വി ഇങ്ങെടുക്കുവാ'; മഞ്ഞുമ്മൽ നിർത്തിയിടത്തെന്ന് ആടുജീവിതം തുടങ്ങും: മലയാളികൾ
ദിവസങ്ങള്‍ നീണ്ട വിവാഹത്തിന്റെ ചിത്രങ്ങള്‍ എല്ലാം സോഷ്യല്‍ മീഡിയയില്‍ വൈറലായിരുന്നു. ഏറ്റവും കൂടുതല്‍ വിവാഹ പരിപാടികള്‍ സംഘടിപ്പിച്ച നടി എന്നൊക്കെ സെലിബ്രിറ്റി കൂട്ടുകാരികള്‍ തന്നെ സ്വാസികയെ കളിയാക്കിയിട്ടുണ്ട്.
ഏഷ്യാനെറ്റ് ന്യൂസ് വാര്‍ത്തകള്‍ തത്സമയം അറിയാം..