എയർപോർട്ടിൽ ഇറങ്ങിയ യാത്രക്കാരനെ സംശയം, പരിശോധനയിൽ വസ്ത്രത്തിനുള്ളിൽ ശരീരത്തിൽ കെട്ടിവെച്ച നിലയിൽ ലഹരിഗുളിക

വിമാനത്താവളത്തില്‍ ഇറങ്ങിയ യാത്രക്കാരനെ സംശയം തോന്നിയതിനെ തുടര്‍ന്ന് പരിശോധനക്ക് വിധേയമാക്കുകയായിരുന്നു. 

ദോ​ഹ: ഹ​മ​ദ് അന്താരാഷ്ട്ര വി​മാ​ന​ത്താ​വ​ളം(എച്ച്ഐഎ) വ​ഴി രാ​ജ്യ​ത്തേ​ക്ക് ല​ഹ​രി ഗു​ളി​ക​ക​ൾ ക​ട​ത്താ​ൻ ശ്ര​മി​ച്ച യാത്രക്കാരൻ പി​ടി​യിലായി. പ്രീഗബാലിൻ എന്ന മയക്കുമരുന്ന് കടത്താൻ ശ്രമിച്ച യാത്രക്കാരനെയാണ് ഹമദ് വിമാനത്താവളത്തിലെ കസ്റ്റംസ് ഉദ്യോഗസ്ഥർ പിടികൂടിയത്. 

യാത്രക്കാരനിൽ സംശയം തോന്നിയ കസ്റ്റംസ് ഉദ്യോഗസ്ഥർ കൂടുതൽ പരിശോധനക്കു വിധേയമാക്കുകയായിരുന്നു. വ​സ്ത്ര​ത്തി​നു​ള്ളി​ൽ അ​ര​​ക്കെ​ട്ടി​നോ​ട് ചേ​ർ​ന്ന് ശരീരത്തിൽ കെ​ട്ടി​വെ​ച്ച നി​ല​യി​ലാ​യി​രു​ന്നു ല​ഹ​രി ഗു​ളി​ക​ക​ൾ. ഇ​യാ​ളി​ൽ​നി​ന്ന് 1372 ലി​റി​ക മ​രു​ന്നു​ക​ൾ(പ്രീഗബാലിൻ) ക​ണ്ടെ​ത്തി​യ​താ​യി ഖ​ത്ത​ർ ക​സ്റ്റം​സ് അ​റി​യി​ച്ചു. പിടികൂടുന്നതിന്റെ ദൃശ്യങ്ങൾ സമൂഹ മാധ്യമങ്ങൾ വഴി അധികൃതർ പങ്കുവെച്ചു. ല​ഹ​രി മ​രു​ന്നു​ക​ളും നി​രോ​ധി​ത വ​സ്തു​ക്ക​ളും രാ​ജ്യ​ത്തേ​ക്ക് ക​ട​ത്ത​രു​തെ​ന്ന് അ​ധി​കൃ​ത​ർ ആ​വ​ർ​ത്തി​ച്ച് മു​ന്ന​റി​യി​പ്പു​ക​ൾ ന​ൽ​കു​ന്നു​ണ്ട്. ല​ഹ​രി​ക്ക​ട​ത്തു​കാ​ർ​ക്കെ​തി​രെ ശ​ക്ത​മാ​യ നി​യ​മ​ന​ട​പ​ടി​ക​ളാ​ണ് രാ​ജ്യം സ്വീ​ക​രി​ക്കു​ന്ന​ത്.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം