കുവൈത്ത് സെൻട്രൽ ബാങ്ക് നിയന്ത്രണങ്ങൾ പാലിക്കാത്ത എക്സ്ചേഞ്ച് ഓഫീസുകളുടെ പ്രവർത്തനങ്ങൾ താൽക്കാലികമായി നിർത്തി

കുവൈത്ത് സെന്‍ട്രല്‍ ബാങ്കിന്‍റെ നിയന്ത്രണങ്ങള്‍ പാലിക്കാത്ത എക്സ്ചേഞ്ച് ഓഫീസുകളുടെ വാണിജ്യപരമായ പ്രവർത്തനങ്ങൾ താൽക്കാലികമായി നിര്‍ത്തി. 

കുവൈത്ത് സിറ്റി: കുവൈത്ത് സെൻട്രൽ ബാങ്കിന്‍റെ ആവശ്യകതകൾ പാലിക്കാത്ത എക്സ്ചേഞ്ച് ഓഫീസുകളുടെ വാണിജ്യപരമായ പ്രവർത്തനങ്ങൾ താൽക്കാലികമായി നിർത്തിവയ്ക്കുന്നതായി വാണിജ്യ വ്യവസായ മന്ത്രാലയം അറിയിച്ചു. 2024 ജൂൺ 11-ന് പുറത്തിറക്കിയ കാബിനറ്റ് പ്രമേയം നമ്പർ (552) പ്രകാരം എക്സ്ചേഞ്ച് ഓഫീസുകളുടെ മേൽനോട്ടവും നിയന്ത്രണവും വാണിജ്യ വ്യവസായ മന്ത്രാലയത്തിൽ നിന്ന് കുവൈത്ത് സെൻട്രൽ ബാങ്കിലേക്ക് മാറ്റിയതായി മന്ത്രാലയം പ്രസ്താവനയിൽ സൂചിപ്പിച്ചു.

കുവൈത്ത് സെൻട്രൽ ബാങ്ക് നിശ്ചയിച്ചിട്ടുള്ള പുതിയ ആവശ്യകതകൾക്കനുസരിച്ച് എക്സ്ചേഞ്ച് കമ്പനികളുടെയും സ്ഥാപനങ്ങളുടെയും പ്രവർത്തനങ്ങൾ നിയന്ത്രിക്കുന്ന 2024-ലെ മന്ത്രിതല പ്രമേയം നമ്പർ (233) വഴിയാണ് ഈ തീരുമാനം നടപ്പിലാക്കുക. എക്സ്ചേഞ്ച് കമ്പനികളുടെയും സ്ഥാപനങ്ങളുടെയും ലൈസൻസ് ഉടമകൾക്ക് ഈ ആവശ്യകതകൾക്കനുസരിച്ച് അവരുടെ അവസ്ഥകൾ ക്രമീകരിക്കുന്നതിന് ഒരു നിശ്ചിത കാലയളവ് അനുവദിച്ചിട്ടുണ്ട്. ഈ കാലയളവ് 2025 മാർച്ച് 31-ന് അവസാനിച്ചുവെന്നും  മന്ത്രാലയം ചൂണ്ടിക്കാട്ടി.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം