എമിറേറ്റിൽ 99.6 ശതമാനം താമസക്കാർക്കും പൊതുവെ സുരക്ഷിതത്വമുണ്ടെന്ന് അജ്മാൻ പൊലീസിന്റെ എക്‌സിലെ പോസ്റ്റ് പറയുന്നു.
അജ്മാന്‍: രാത്രിയില്‍ ഒറ്റയ്ക്ക് പുറത്തിറങ്ങി നടക്കാൻ യുഎഇയില്‍ ഏറ്റവും സുരക്ഷിത നഗരമായി അജ്മാന്‍. യുണൈറ്റഡ് നേഷന്‍സ് സെന്‍റര്‍ ഫോര്‍ കോംപെറ്റിറ്റീവ്നെസ്സ് ആന്‍ഡഡ് സ്റ്റാറ്റിസ്റ്റിക്സ് പുറത്തുവിട്ട റിപ്പോര്‍ട്ടിലാണ് ഇക്കാര്യം വ്യക്തമാക്കുന്നത്. 98.5 ശതമാനം പേരും അജ്മാന്‍ രാത്രിയില്‍ ഒറ്റയ്ക്ക് ഇറങ്ങി നടക്കാന്‍ സുരക്ഷിതമായ നഗരമാണെന്ന് വിശ്വസിക്കുന്നുണ്ട്.
എമിറേറ്റിൽ 99.6 ശതമാനം താമസക്കാർക്കും പൊതുവെ സുരക്ഷിതത്വമുണ്ടെന്ന് അജ്മാൻ പൊലീസിന്റെ എക്‌സിലെ പോസ്റ്റ് പറയുന്നു. 2023ലെ നമ്പിയോ ഡോട്ട് കോം റിപ്പോർട്ടിലും അജ്മാൻ ആഗോളതലത്തിൽ നാലാം സ്ഥാനത്ത് എത്തിയിരുന്നു. ആ റിപ്പോർട്ടിൽ അബുദാബിക്കായിരുന്നു ഒന്നാം സ്ഥാനം.
Read Also - ആകാശ എയറിന് സര്‍വീസ് നടത്താന്‍ സൗദി സിവില്‍ ഏവിയേഷന്‍ അതോറിറ്റി അനുമതി
അജ്മാനിൽ ഗതാഗത നിയന്ത്രണം; ട്രാഫിക് മാർഗനിർദേശങ്ങൾ പാലിക്കണമെന്ന് പൊലീസ്
അജ്മാന്‍: അജ്മാന്‍ ശൈഖ് റാഷിദ് ബിന്‍ സഈദ് റോഡില്‍ ഗതാഗത നിയന്ത്രണമേര്‍പ്പെടുത്തിയതായി അറിയിച്ച് അജ്മാന്‍ പൊലീസ് ജനറല്‍ കമാന്‍ഡ്. റോഡ് വികസന പ്രവര്‍ത്തനങ്ങളുടെ ഭാഗമായാണ് ഗതാഗതം നിയന്ത്രിക്കുന്നത്. ജൂണ്‍ രണ്ടു മുതലാണ് നിയന്ത്രണം ആരംഭിക്കുക.
അജ്മാന്‍ പോര്‍ട്ട്‌, അജ്മാന്‍ സിറ്റി സെന്‍റര്‍ എന്നിവിടങ്ങളിൽനിന്ന് ശൈഖ് റാഷിദ് ബിൻ സഈദ് റോഡിൽ പ്രവേശിക്കുന്ന വാഹനങ്ങള്‍ക്കാണ് നിയന്ത്രണം ഏര്‍പ്പെടുത്തിയിരിക്കുന്നത്. ഈ പ്രദേശത്തെ വാഹന ഗതാഗതം സുഗമമാക്കുന്നതിനായി പുതിയ വികസന പ്രവര്‍ത്തനങ്ങള്‍ ആരംഭിക്കുന്നതിനാണ് നടപടി. ഗതാഗതക്കുരുക്ക് ഒഴിവാക്കുന്നതിനായി അടച്ചിടുന്ന സ്ഥലത്തെ ട്രാഫിക് മാർഗനിർദേശങ്ങൾ പാലിക്കണമെന്ന് അജ്മാൻ പൊലീസ് ഡ്രൈവർമാരോടും പൊതുജനങ്ങളോടും അഭ്യർഥിച്ചു.