ബിജെപിയുടെ സ്വപൻ ദാസ് ഗുപ്ത, നടി തനുശ്രീ ചക്രബർത്തി എന്നിവർ ഈ ഘട്ടത്തിൽ ജനവിധി തേടും. മമതാ ബാനർജിയുടെ മരുമകൻ അഭിഷേക് ബാനർജി എംപി ആയ ഡയമണ്ട് ഹാർബറിലും ഈ ഘട്ടത്തിലാണ് തെരഞ്ഞെടുപ്പ് നടക്കുന്നത്.
കൊല്‍ക്കത്ത: ബംഗാളിലെ മൂന്നാംഘട്ട തെരഞ്ഞെടുപ്പ് പ്രചാരണം അവസാനിച്ചു. 31 സീറ്റുകളിൽ മറ്റന്നാൾ ആണ് വോട്ടെടുപ്പ്. ബംഗാളിൽ ഇതുവരെ 60 മണ്ഡലങ്ങളിലെ തെരഞ്ഞെടുപ്പ് പൂർത്തിയായി. ബിജെപിയുടെ സ്വപൻ ദാസ് ഗുപ്ത, നടി തനുശ്രീ ചക്രബർത്തി എന്നിവർ ഈ ഘട്ടത്തിൽ ജനവിധി തേടും. മമതാ ബാനർജിയുടെ മരുമകൻ അഭിഷേക് ബാനർജി എംപി ആയ ഡയമണ്ട് ഹാർബറിലും ഈ ഘട്ടത്തിലാണ് തെരഞ്ഞെടുപ്പ് നടക്കുന്നത്.
18 കമ്പനി കേന്ദ്രസേനയെ തെരഞ്ഞെടുപ്പ് നടക്കുന്ന മണ്ഡലങ്ങളിൽ സുരക്ഷയ്ക്കായി നിയോഗിച്ചിട്ടുണ്ട്. നന്ദിഗ്രാമിലെ ബയോലയിലെ ബൂത്ത് ബിജെപി പ്രവർത്തകർ പിടിച്ചെടുത്തെന്ന മമതാ ബാനർജിയുടെ പരാതിക്കെതിരെ തിരഞ്ഞെടുപ്പ് കമ്മീഷൻ വിമർശനമുന്നയിച്ചു. പരാതിയിൽ അടിസ്ഥാനമില്ലെന്നാണ് തെരഞ്ഞെടുപ്പ് കമ്മീഷൻ നിലപാട്.