ഇരുവരും കളിക്കുന്ന സമയത്തുണ്ടായിരുന്നു ഓര്‍മകളും മറ്റുമാണ് കത്തിലുണ്ടായിരുന്നത്.
ഡേവിസ് കപ്പിന് ശേഷം വിരമിക്കാനിരിക്കുന്ന സ്പാനിഷ് ടെന്നിസ് ഇതിഹാസം റാഫേല്‍ നദാലിന്, സ്വിസ് മാസ്റ്റര്‍ റോജര്‍ ഫെഡറുടെ സന്ദേശം. ഇരുവരും കളിക്കുന്ന സമയത്തുണ്ടായിരുന്നു ഓര്‍മകളും മറ്റുമാണ് കത്തിലുണ്ടായിരുന്നത്. സോഷ്യല്‍ മീഡിയയില്‍ പങ്കുവച്ച സന്ദേശത്തിന്റെ പ്രസക്ത ഭാഗങ്ങള്‍....
വാമോസ്,
റാഫേല്‍ നദാല്‍
undefined
നിങ്ങള്‍ ടെന്നീസില്‍ നിന്ന് വിരമിക്കാന്‍ തയ്യാറെടുക്കുമ്പോള്‍, എനിക്ക് കുറച്ച് കാര്യങ്ങള്‍ പങ്കിടാനുണ്ട്. ഞാന്‍ വികാരാധീനനാകുന്നതിന് മുമ്പ് എനിക്കത് പറയണം.
നിങ്ങള്‍ എന്നെ ഒരുപാട് തോല്‍പ്പിച്ചു. എനിക്ക് നിങ്ങളെ തോല്‍പ്പിക്കാന്‍ കഴിഞ്ഞതിനേക്കാള്‍ കൂടുതല്‍. മറ്റാര്‍ക്കും കഴിയാത്ത വിധത്തില്‍ നിങ്ങള്‍ എന്നെ വെല്ലുവിളിച്ചു. കളിമണ്‍ കോര്‍ട്ടില്‍, ഞാന്‍ നിങ്ങളുടെ വീട്ടുമുറ്റത്ത് കാലുകുത്തുന്നത് പോലെ തോന്നി. ഞാന്‍ വിചാരിച്ചതിലും കൂടുതല്‍ കഠിനാധ്വാനം ചെയ്യാന്‍ നിങ്ങള്‍ എന്നെ പ്രേരിപ്പിച്ചു. എന്റെ കളിയില്‍ മാറ്റം വരുത്താന്‍ നിങ്ങളെന്നെ പ്രേരിപ്പിച്ചു. എന്തിന് പറയുന്നു, എന്റെ റാക്കറ്റിന്റെ വലിപ്പം മാറ്റാന്‍ പോലും നിര്‍ബന്ധിതനാവേണ്ടി വന്നു.
ഞാന്‍ വളരെ അന്ധവിശ്വാസമുള്ള ആളല്ല, പക്ഷേ നിങ്ങളെന്ന അത്തരത്തിലൊരു തലത്തിലേക്ക് കൊണ്ടുപോയി. നിങ്ങളുടെ മുഴുവന്‍ പ്രക്രിയയും, ആ ആചാരങ്ങളെല്ലാം... നിങ്ങളുടെ വാട്ടര്‍ ബോട്ടിലുകള്‍ കൂട്ടിച്ചേര്‍ക്കുക, മുടി ശരിയാക്കുക, അടിവസ്ത്രങ്ങള്‍ ക്രമീകരിക്കുക... എല്ലാം ഞാനിഷ്ടപ്പെട്ടു.
നിനക്കറിയാമോ റാഫ, നീ എന്നെ കളി കൂടുതല്‍ ആസ്വദിക്കാന്‍ ശീലിപ്പിച്ചു. ആദ്യം അങ്ങനെ അല്ലായിരിക്കാം. 2004-ലെ ഓസ്ട്രേലിയന്‍ ഓപ്പണിന് ശേഷം, ഞാന്‍ ആദ്യമായി ഒന്നാം റാങ്കിംഗ് നേടി. ഞാന്‍ ലോകത്തിന്റെ നെറുകയിലാണെന്ന് കരുതി. പിന്നെ രണ്ട് മാസങ്ങള്‍ക്കു ശേഷം, മയാമിയിലെ കോര്‍ട്ടില്‍ ചുവന്ന കൈയില്ലാത്ത ഷര്‍ട്ട് ധരിച്ചെത്തിയ നിങ്ങള്‍ എന്നെ തൊല്‍പ്പിച്ചു. നിങ്ങളെ കുറിച്ച് ഞാന്‍ കേട്ടിരുന്നു. മയോര്‍ക്കയില്‍ നിന്നുള്ള വരും കാലത്ത് വലിയ വിജയങ്ങള്‍ നേടുമെന്ന് എനിക്ക് ഉറപ്പായിരുന്നു.
യാത്രയുടെ തുടക്കത്തില്‍ ഞങ്ങള്‍ ഒരുമിച്ചായിരുന്നു. ഇരുപത് വര്‍ഷങ്ങള്‍ക്ക് ശേഷം, എന്തൊരു അവിശ്വസനീയമായ പോരാട്ടമാണ് നിങ്ങള്‍ നടത്തിയത്. 14 ഫ്രഞ്ച് ഓപ്പണുകള്‍ നേടി നീ സ്പെയിനിനെ അഭിമാനം കൊള്ളിച്ചു. ടെന്നീസ് ലോകത്തെ മുഴുവന്‍ അഭിമാനിപ്പിച്ചു. ചരിത്രം! പങ്കുവെച്ച ഓര്‍മ്മകളെക്കുറിച്ച് ഞാന്‍ ചിന്തിച്ചുകൊണ്ടേയിരിക്കുന്നു. ഒരുമിച്ച് കായികരംഗത്തെ പ്രോത്സാഹിപ്പിക്കുന്നു. നമ്മള്‍ 50,000 കാണികള്‍ക്ക് മുന്നില്‍ കളിച്ചത് ഓര്‍ക്കുന്നു. ദക്ഷിണാഫ്രിക്കയിലെ കേപ്ടൗണില്‍ അന്ന് തടിച്ചുകൂടിയത് എക്കാലത്തേയും വലിയ ജനക്കൂട്ടമാണ്.
2016-ല്‍അക്കാദമി ആരംഭിക്കാന്‍ സഹായിക്കുന്നതിന് നിങ്ങള്‍ എന്നെ മയോര്‍ക്കയിലേക്ക് ക്ഷണിച്ചതില്‍ ഞാന്‍ ഇപ്പോഴും നന്ദിയുള്ളവനാണ്. യഥാര്‍ത്ഥത്തില്‍, ഞാന്‍ എന്നെത്തന്നെ ക്ഷണിക്കുകയായിരുന്നു. ഞാന്‍ അവിടെ ഉണ്ടായിരിക്കണമെന്ന് നിങ്ങള്‍ നിര്‍ബന്ധിച്ചുകൊണ്ടിരുന്നു. നിങ്ങള്‍ എല്ലായ്പ്പോഴും ലോകമെമ്പാടുമുള്ള കുട്ടികള്‍ക്ക് ഒരു മാതൃകയാണ്, ഞങ്ങളുടെ കുട്ടികള്‍ നിങ്ങളുടെ അക്കാദമികളില്‍ പരിശീലനം നേടിയതില്‍ ഞാനും മിര്‍ക്കയും വളരെ സന്തോഷിക്കുന്നു. ആയിരക്കണക്കിന് യുവ കളിക്കാരെപ്പോലെ അവര്‍ വളരെയധികം പഠിച്ചു.
തുടര്‍ന്ന് ലണ്ടനില്‍ ഉണ്ടായിരുന്നു-2022 ലെ ലേവര്‍ കപ്പ്. എന്റെ അവസാന മത്സരം. നിങ്ങള്‍ എന്റെ അരികില്‍ ഉണ്ടായിരുന്നു എന്നത് എന്നെ സംബന്ധിച്ചിടത്തോളം എല്ലാം അര്‍ത്ഥമാക്കുന്നു. എന്റെ എതിരാളിയായിട്ടല്ല, മറിച്ച് എന്റെ ഡബിള്‍സ് പങ്കാളിയായി. ആ രാത്രിയില്‍ നിങ്ങളുമായി പങ്കുവെച്ചത് എന്റെ കരിയറിലെ ഏറ്റവും സവിശേഷമായ നിമിഷങ്ങളില്‍ ഒന്നായിരിക്കും. റാഫ, നിങ്ങളുടെ ഇതിഹാസ കരിയറിന്റെ അവസാന ഭാഗത്താണ് നിങ്ങള്‍ ശ്രദ്ധ കേന്ദ്രീകരിക്കുന്നതെന്ന് എനിക്കറിയാം.
അത് കഴിയുമ്പോള്‍ നമ്മള്‍ സംസാരിക്കും. ഇപ്പോള്‍, നിങ്ങളുടെ കുടുംബത്തെയും ടീമിനെയും അഭിനന്ദിക്കാന്‍ ഞാന്‍ ആഗ്രഹിക്കുന്നു. നിങ്ങളുടെ വിജയത്തില്‍ എല്ലാവരും വലിയ പങ്കുവഹിച്ചു. നിങ്ങളുടെ പഴയ സുഹൃത്ത് എപ്പോഴും നിങ്ങള്‍ക്കായി ആഹ്ലാദിക്കുന്നുവെന്നും നിങ്ങള്‍ അടുത്തതായി ചെയ്യുന്ന എല്ലാ കാര്യങ്ങളിലും ആനന്ദിക്കുണ്ടെന്നും നിങ്ങള്‍ അറിയണമെന്ന് ഞാന്‍ ആഗ്രഹിക്കുന്നു. നിങ്ങളുടെ ആരാധകന്‍, റോജര്‍.
ഫെഡറര്‍ കുറച്ചിട്ടു.