കുട്ടികളും യുവാക്കളുമുള്‍പ്പെടുന്ന സംഘം പാചകം ചെയ്ത ഭക്ഷണം കഴിക്കാന്‍ നിരവധി ആളുകളാണ് എത്തിയത്.
ഏറനാട്: സദുദ്ദേശത്തോടെയുള്ള പ്രവൃത്തികള്‍ എന്നും അംഗീകരിച്ചിട്ടുള്ളവരാണ് സോഷ്യല്‍ മീഡിയ ഉപയോക്താക്കള്‍. ജാതിയ്ക്കും മതത്തിനും അതീതമായി സ്നേഹത്തിന് വില നല്‍കുന്ന ഒരു കൂട്ടം ചെറുപ്പക്കാരുടെ വീഡിയോയാണ് ഇപ്പോള്‍ സാമൂഹ്യ മാധ്യമങ്ങളിലെ ചര്‍ച്ചാ വിഷയം. നോമ്പുതുറക്കാനായി വിഭവങ്ങള്‍ ഒരുക്കിയാണ് ഏറനാട്ടെ അമ്പല കമ്മറ്റിയിലെ ഈ ചെറുപ്പക്കാര്‍ ശ്രദ്ധേയരാകുന്നത്.
കുട്ടികളും യുവാക്കളുമുള്‍പ്പെടുന്ന സംഘം പാചകം ചെയ്ത ഭക്ഷണം കഴിക്കാന്‍ നിരവധി ആളുകളാണ് എത്തിയത്. "ഏറനാട്ടിലെ ഒരു അമ്പല കമ്മറ്റി ഒരുക്കിയ നോമ്പുതുറ. ഇതാണ് നമ്മുടെ കേരളം. ലോകാവസാനം വരെ ഈ മതസൗഹാര്‍ദം നിലനില്‍ക്കാന്‍ എല്ലാവരും പ്രാര്‍ത്ഥിക്കുക "എന്ന കുറിപ്പോടെ ഫേസ്ബുക്കിലാണ് വീഡിയോ പങ്കുവെച്ചത്. ചെറുപ്പക്കാരുടെ നല്ല മനസ്സിന് നിറഞ്ഞ കൈയ്യടി നല്‍കുകയാണ് സോഷ്യല്‍ മീഡിയ.