ഡിസംബര്‍ മാസത്തില്‍ സാമ്പത്തിക കാര്യങ്ങളുമായി ബന്ധപ്പെട്ട ചില മാറ്റങ്ങള്‍ നിലവില്‍ വരും
2024ലെ അവസാന മാസത്തിലേക്ക് കടക്കുകയാണ്. ഡിസംബര്‍ മാസത്തില്‍ സാമ്പത്തിക കാര്യങ്ങളുമായി ബന്ധപ്പെട്ട ചില മാറ്റങ്ങള്‍ നിലവില്‍ വരും. സൗജന്യ ആധാര്‍ അപ്ഡേറ്റ് , ഐഡിബിഐ ബാങ്ക് സ്പെഷ്യല്‍ എഫ്ഡിയില്‍ നിക്ഷേപിക്കാനുള്ള അവസാന തീയതി, ക്രെഡിറ്റ് കാര്‍ഡ് മാറ്റങ്ങള്‍ എന്നിവയും മറ്റും ഇതില്‍ ഉള്‍പ്പെടുന്നു.
1.സൗജന്യ ആധാര്‍ അപ്ഡേറ്റ്
undefined
ആധാര്‍ കാര്‍ഡ് ഉടമകള്‍ക്ക് 2024 ഡിസംബര്‍ 14 വരെ myAadhaarപോര്‍ട്ടല്‍ വഴി സൗജന്യമായി ഓണ്‍ലൈനായി അവരുടെ വിശദാംശങ്ങള്‍ അപ്ഡേറ്റ് ചെയ്യാം. ഈ തീയതിക്ക് ശേഷം, ആധാര്‍ കേന്ദ്രങ്ങളിലെ ഓഫ്ലൈന്‍ അപ്ഡേറ്റുകള്‍ക്ക് ഫീസ് ഈടാക്കും.ഒരു ആധാര്‍ കേന്ദ്രത്തില്‍ രേഖകള്‍ സമര്‍പ്പിക്കുന്നതിന് 50 രൂപയാണ് ഫീസ്. പോര്‍ട്ടല്‍ വഴി അപേക്ഷ സമര്‍പ്പിക്കുന്നത് സൗജന്യമാണ്
2.ഐഡിബിഐ ബാങ്കിന്‍റെ പ്രത്യേക എഫ്ഡി
ഐഡിബിഐ ബാങ്കിന്‍റെ 300 ദിവസം, 375 ദിവസം, 444 ദിവസം, 700 ദിവസം എന്നിങ്ങനെ കാലാവധിയുള്ള ഉത്സവ് എഫ്ഡികളില്‍ നിക്ഷേപിക്കാനുള്ള അവസാന തീയതി ഡിസംബര്‍ 31 ആണ്. യഥാക്രമം 7.05%, 7.25%, 7.35%, 7.20% എന്നിങ്ങനെയാണ പലിശ.
3.പഞ്ചാബ് & സിന്ധ് ബാങ്ക് പ്രത്യേക എഫ്ഡി
പഞ്ചാബ് & സിന്ധ് ബാങ്ക് വ്യത്യസ്ത കാലയളവുകളുള്ള വിവിധ പ്രത്യേക സ്ഥിര നിക്ഷേപങ്ങള്‍ പ്രഖ്യാപിച്ചു. ഈ നിക്ഷേപങ്ങള്‍ക്കുള്ള സമയപരിധി ഡിസംബര്‍ 31 ആണ്. 222 ദിവസത്തെ ദൈര്‍ഘ്യമുള്ള പ്രത്യേക എഫ്ഡിക്ക് 6.30% വരെ ഉയര്‍ന്ന പലിശ നിരക്ക് വാഗ്ദാനം ചെയ്യുന്നു.
4.എയു സ്മോള്‍ ഫിനാന്‍സ് ബാങ്ക് ക്രെഡിറ്റ് കാര്‍ഡ് മാറ്റങ്ങള്‍
എയു സ്മോള്‍ ഫിനാന്‍സ് ബാങ്ക് 2024 ഡിസംബര്‍ 22 മുതല്‍ ഇക്സിഗോ എയു ക്രെഡിറ്റ് കാര്‍ഡിനുള്ള റിവാര്‍ഡ് പോയിന്‍റുകളില്‍ മാറ്റം വരുത്തി. ക്രെഡിറ്റ് കാര്‍ഡ് ഉടമകള്‍ക്ക് ഡിസംബര്‍ 22 മുതല്‍ വിദ്യാഭ്യാസ, സര്‍ക്കാര്‍, വാടക, ഇടപാടുകള്‍ക്ക് റിവാര്‍ഡ് പോയിന്‍റുകള്‍ ലഭിക്കില്ല. ഡിസംബര്‍ 23 മുതല്‍ ക്രെഡിറ്റ് കാര്‍ഡില്‍ 0% ഫോറെക്സ് മാര്‍ക്ക്അപ്പ് ബാങ്ക് അവതരിപ്പിച്ചു
5. ആക്സിസ് ബാങ്ക് ക്രെഡിറ്റ് കാര്‍ഡ്
ആക്സിസ് ബാങ്ക് അതിന്‍റെ മിക്ക ക്രെഡിറ്റ് കാര്‍ഡുകളുടെയും പൊതുവായ നിബന്ധനകളിലും വ്യവസ്ഥകളിലും നിരവധി മാറ്റങ്ങള്‍ വരുത്തിയിട്ടുണ്ട്. എയര്‍ടെല്‍ ആക്സിസ് ബാങ്ക് ക്രെഡിറ്റ് കാര്‍ഡിനുള്ള ഫീസും നിരക്കുകളും പരിഷ്കരിച്ചു.
1. പലിശ നിരക്കുകള്‍:
പലിശ നിരക്കുകള്‍ പ്രതിമാസം 3.6% എന്ന നിലവിലെ നിരക്കില്‍ നിന്ന് 3.75% ആക്കി ഉയര്‍ത്തി
2. ഫീസില്‍ മാറ്റം
ചെക്ക് റിട്ടേണ്‍ അല്ലെങ്കില്‍ ഡിസോണര്‍ ഫീസ് അല്ലെങ്കില്‍ ഓട്ടോ ഡെബിറ്റ് റിവേഴ്സല്‍ എന്നിവയ്ക്ക് ഈടാക്കുന്ന ഏറ്റവും കുറഞ്ഞ ഫീസ് 100 രൂപയായി പരിഷ്കരിക്കും.
3. പണം അടയ്ക്കുന്നതിനുള്ള ഫീസ്:
ബാങ്ക് ശാഖകളില്‍ പണമടയ്ക്കുന്നതിനുള്ള ഫീസ് 100 രൂപയായി പരിഷ്കരിക്കും.
6.ആദായനികുതി സമയപരിധി
നിശ്ചിത തീയതിക്കകം മുന്‍വര്‍ഷത്തെ ഐടിആര്‍ ഫയല്‍ ചെയ്തില്ലെങ്കില്‍, ഡിസംബര്‍ 31-നോ അതിനുമുമ്പോ വൈകിയുള്ള റിട്ടേണ്‍ സമര്‍പ്പിക്കാം. 2024-25 സാമ്പത്തിക വര്‍ഷത്തില്‍, വൈകിയുള്ള റിട്ടേണ്‍ ഫയല്‍ ചെയ്യുന്നതിനുള്ള സമയപരിധി ഡിസംബര്‍ 31 ആണ്.