'സൂപ്പർ സിന്ദഗി' റിവ്യു.
തഗ് ഡയലോഗുകൾ പറഞ്ഞ് വൻ ആരാധകവൃന്ദത്തെ കയ്യിലെടുത്ത നടനാണ് ധ്യാൻ ശ്രീനിവാസൻ. ധ്യാനിനൊപ്പം എവർഗ്രീൻ തഗ് കിങ്ങുകളിൽ ഒരാളായ മുകേഷും കൂടി എത്തിയാൽ എന്താകും അവസ്ഥ. തമാശയുടെ പൂരപറമ്പാകും ആ സിനിമ. അത്തരത്തിലൊരു സിനിമയാണ് 'സൂപ്പർ സിന്ദഗി'. മുകേഷും ധ്യാനും കട്ടയ്ക്ക് നിന്ന് അഭിനയിച്ച ചിത്രത്തിൽ പക്ഷേ തമാശകൾ മാത്രമല്ല, ഉദ്വോഗം നിറഞ്ഞ രംഗങ്ങളും മാസും ആക്ഷനും ഒക്കെ ഉൾക്കൊള്ളിച്ചിട്ടുണ്ട്.
പെട്ടെന്നൊരു ദിവസം, വലിയ കഷ്ടപ്പാടുകളൊന്നും ഇല്ലാതെ കോടീശ്വരൻ ആകാൻ ആഗ്രഹിക്കുന്ന ചിലരുണ്ടാകും നമുക്ക് ചുറ്റും. അവരുടെ ഒരു പ്രതിനിധിയാണ് ധ്യാൻ ശ്രീനിവാസൻ അവതരിപ്പിച്ച സിദ്ധാർത്ഥ് എന്ന കഥാപാത്രം. ഇയാളുടെ സുഹൃത്താണ് മുജീബ്. മുകേഷ് ആണ് ഈ കഥാപാത്രത്തെ അവതരിപ്പിച്ചിരിക്കുന്നത്. യാതൊരു പരിശ്രമവും ഇല്ലാതെ, ബിസിനസ് ചെയ്യണം എന്ന ലക്ഷ്യവുമായി മുന്നോട്ട് പോകുന്ന സിദ്ധാർത്ഥിന് മുന്നിൽ ഒരു വഴി തെളിയുന്നു. പെട്ടെന്ന് പണക്കാരനാകാനുള്ള വളരെ അപകടം നിറഞ്ഞൊരു വഴിയാണിത്. ഈ സാഹസികമായ യാത്രയും പിന്നീട് നടക്കുന്ന സംഭവ വികാസങ്ങളുമാണ് 'സൂപ്പർ സിന്ദഗി' പറയുന്നത്.
ഒരു ഫീൽ ഗുഡ് റോഡ് മൂവിയായി ഒരുങ്ങിയിരിക്കുന്ന സൂപ്പർ സിന്ദഗിയുടെ തിരക്കഥ ഒരുക്കിയിരിക്കുന്നത് വിന്റേഷും പ്രജിത്ത് രാജ് ഇകെആറും ചേർന്നാണ്. എൽദൊ ഐസക് ആണ് മനോഹരമായ ദൃശ്യങ്ങൾ ഒപ്പിയൊടുത്തിരിക്കുന്നത്. ചിത്രത്തിൽ ഒരു സീനിൽ വന്ന് പോകുന്ന അഭിനേതാക്കൾ വരെ തങ്ങളുടെ ഭാഗങ്ങൾ അതിഗംഭീരമായി തന്നെ അവതരിപ്പിച്ചിട്ടുണ്ട്. പാർവതി നായർ, ശ്രീവിദ്യ മുല്ലശ്ശേരി, മാസ്റ്റർ മഹേന്ദ്രൻ, ഋതു മന്ത്ര എന്നിവർക്ക് ഒപ്പം ജോണി ആന്റണി സുപ്രധാന വേഷത്തിൽ എത്തുന്നുണ്ട്. മനോഹര ഗാനങ്ങൾക്ക് സംഗീതം നൽകിയിരിക്കുന്നത് സൂരജ് എസ് കുറുപ്പ് ആണ്.
'ലാലേട്ടനെ തന്നതിന് നന്ദി..'; അമ്മയുടെ പിറന്നാൾ ആഘോഷമാക്കി മോഹൻലാൽ
ചിത്രസംയോജനം: ലിജോ പോൾ, സംഗീതം: സൂരജ് എസ് കുറുപ്പ്, സൗണ്ട് ഡിസൈൻ: വിക്കി, ഫൈനൽ മിക്സ്: പിസി വിഷ്ണു, ക്രിയേറ്റീവ് പ്രൊഡ്യൂസർ: സങ്കീത് ജോയ്, ലൈൻ പ്രൊഡ്യൂസർ: ബിട്ടു ബാബു വർഗീസ്, ചീഫ് അസോസിയേറ്റ് ഡയറക്ടർ: വിഷ്ണു ഐക്കരശ്ശേരി, പ്രൊഡക്ഷൻ കൺട്രോളർ: ഷെമിൻ എസ് ആർ, ഇക്ബാൽ പനയിക്കുളം, കലാസംവിധാനം: ഹംസ വള്ളിത്തോട്, വസ്ത്രാലങ്കാരം: സുജിത്ത് മട്ടന്നുർ, മേക്കപ്പ്: അരുൺ ആയുർ, കോറിയോഗ്രഫി: ഭൂപതി, ആക്ഷൻ: ഫൊണെക്സ് പ്രഭു, ചീഫ് ഫൈനാൻഷ്യൽ ഓഫീസേർസ്: ജിഷോബ് കെ, പ്രവീൻ വിപി, അസോസിയേറ്റ് ഡയറക്ടർ: മുകേഷ് മുരളി, ബിജു ബാസ്ക്കർ, അഖിൽ കഴക്കൂട്ടം, ഡിജിറ്റർ പിആർ: വിവേക് വിനയരാജ്, സ്റ്റിൽസ്: റിഷ് ലാൽ ഉണ്ണികൃഷ്ണൻ, ഡിസൈൻസ്: യെല്ലോ ടൂത്ത്, പിആർഒ: ശബരി എന്നിവരാണ് 'സൂപ്പർ സിന്ദഗി'യിലെ അണിയറ പ്രവർത്തകർ.
ഏഷ്യാനെറ്റ് ന്യൂസ് വാർത്തകൾ തത്സമയം അറിയാം..