കരടിയും കടുവയും തമ്മിലുള്ള യുദ്ധത്തിന്‍റെ വീഡിയോ വൈറലാകുന്നു. മഹാരാഷ്ട്രയിലെ തടോബ നാഷണൽ പാർക്കിലാണ് സംഭവം. സമീപത്തെ തടാകത്തിൽ വെള്ളം കുടിക്കാൻ എത്തിയ അമ്മക്കരടിയെയും കുഞ്ഞിനെയും കടുവ ആക്രമിക്കുകയായിരുന്നു.
തന്‍റെ കുഞ്ഞിന്‍റെ നേർക്ക് കടുവ വരുന്നത് കണ്ട അമ്മ കരടി പിന്തിരിഞ്ഞു പോകാതെ കടുവയെ നേരിടുകയാണ് ചെയ്തത്. പിന്നീട് ഇവർ തമ്മിൽ പൊരിഞ്ഞ പോരാട്ടമുണ്ടാവുകയായിരുന്നു. കടുവ കരടിയെ കീഴടക്കാൻ ആവുന്നത്ര ശ്രമിച്ചെങ്കിലും കരടിയുടെ പ്രത്യാക്രമണത്തിൽ കടുവയ്ക്ക് ഏറെ നേരം പിടിച്ചു നിൽക്കാനായില്ല. ആക്രമണം മതിയാക്കി കടുവ പിന്തിരിഞ്ഞു പോകുന്നതും ദൃശ്യങ്ങളിൽ വ്യക്തമാണ്.