ഭക്ഷണം കഴിക്കാൻ വീട്ടിലേക്ക് പോകുന്നതിനിടെ കെഎസ്ആര്ടിസി ബസിടിച്ചു, ബൈക്ക് യാത്രികനായ യുവാവ് മരിച്ചു
Synopsis
നേമത്ത് തണ്ണിമത്തന് വില്പ്പന നടത്തുന്ന കടയിലെ ജീവനക്കാരനായിരുന്നു മണികണ്ഠൻ
തിരുവനന്തപുരം: കരമന-കളിയിക്കാവിള പാതയില് കെഎസ്ആര്ടിസി ബസിടിച്ച് ബൈക്ക് യാത്രികന് മരിച്ചു. വെള്ളായണി കീര്ത്തി നഗര് തിരുവോണത്തില് വാടകയ്ക്ക് താമസിക്കുന്ന കരമന കാലടി സ്വദേശി മണികണ്ഠന് (34) ആണ് മരിച്ചത്. നേമം യുപി സ്കൂളിന് സമീപത്ത് ഉച്ചയ്ക്ക് രണ്ടരയോടെയാണ് അപകടമുണ്ടായത്. തിരുവനന്തപുരത്തേക്ക് ഭാഗത്തേയ്ക്ക് വരികയായിരുന്ന വിഴിഞ്ഞം ഡിപ്പോയിലെ ബസാണ് ഇടിച്ചത്.
നേമത്ത് തണ്ണിമത്തന് വില്പ്പന നടത്തുന്ന കടയിലെ ജീവനക്കാരനായ മണികണ്ഠൻ ഉച്ചയ്ക്ക് ഭക്ഷണം കഴിക്കാനായി വീട്ടില് പോകുന്നതിനിടെയാണ് അപകടം. ഇടിയുടെ ആഘാതത്തില് ബസിനടിയില്പ്പെട്ട മണികണ്ഠന്റെ ശരീരത്തിലൂടെ ബസ് കയറിയിറങ്ങി. രക്ഷാപ്രവർത്തനത്തിനായി നാട്ടുകാർ ഓടിയെത്തിയെങ്കിലും തത്ക്ഷണം മരിച്ചിരുന്നു. അവിവാഹിതനാണ് മണികണ്ഠന്. മൃതദേഹം മെഡിക്കല്കോളെജ് ആശുപത്രിയില്. നേമം പൊലീസ് കേസ്സെടുത്തു.
കോട്ടയത്ത് കെഎസ്ആര്ടിസി ബസ് റോഡരികിലെ മരത്തിലിടിച്ച് കയറി, 6 പേർക്ക് പരിക്ക്
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam