പുറമേ നിന്ന് നോക്കുന്നവർക്കിത് കുടിവെള്ള ബോട്ടില് വിതരണ ഗോഡൗണ്, പിന്നാമ്പുറം വേറെ ബിസിനസ്; ഒടുവിൽ പിടിയിൽ
Synopsis
കുടിവെള്ള ബോട്ടില് വിതരണ ഗോഡൗണില്നിന്ന് ഏഴ് ചാക്ക് നിരോധിത പുകയില ഉത്പന്നങ്ങള് പിടികൂടി
തൃശൂര്: കുടിവെള്ള ബോട്ടില് വിതരണ ഗോഡൗണില്നിന്ന് ഏഴ് ചാക്ക് നിരോധിത പുകയില ഉത്പന്നങ്ങള് പിടികൂടി. പെരുമ്പിലാവ് കരിക്കാട് ചോല സ്വദേശി ഷമീലിന്റെ (30) ഉടമസ്ഥതയിലുള്ള കുടിവെള്ളം വിതരണ ഗോഡൗണില്നിന്നാണ് നിരോധിത പുകയില ഉല്പ്പന്നങ്ങള് പിടികൂടിയത്.
കുന്നംകുളം പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തില് ജില്ലാ ലഹരി വിരുദ്ധ സ്ക്വാഡും കുന്നംകുളം പൊലീസും ചേര്ന്ന് നടത്തിയ പരിശോധനയിലാണ് നിരോധിത പുകയില ഉത്പന്നങ്ങള് പിടികൂടിയത്. വെള്ളം വിതരണത്തിന്റെ മറവിലാണ് മേഖലയിലെ വ്യാപാര സ്ഥാപനങ്ങളിലേക്കും യുവാക്കള് ഉള്പ്പെടെയുള്ളവര്ക്കും നിരോധിത പുകയില ഉല്പ്പന്നങ്ങള് വിതരണം ചെയ്തിരുന്നതെന്ന് പൊലീസ് പറഞ്ഞു.
എം.ഡി.എം.എ. ഉള്പ്പെടെ സമാനമായ ലഹരി കേസുകളില് പ്രതിയാണ് ഷമീലെന്ന് പൊലീസ് പറഞ്ഞു. വീടിനോട് ചേര്ന്നുള്ള ഗോഡൗണിലാണ് പുകയില ഉല്പ്പന്നങ്ങള് ചാക്കിലാക്കി സൂക്ഷിച്ചിരുന്നത്. കുന്നംകുളം സ്റ്റേഷന് ഹൗസ് ഓഫീസര് യു.കെ. ഷാജഹാന്റെ നിര്ദേശപ്രകാരം സബ് ഇന്സ്പെക്ടര്മാരായ ഫക്രുദീന്, വൈശാഖ് എന്നിവരുടെ നേതൃത്വത്തിലുള്ള പോലീസ് സംഘമാണ് പരിശോധന നടത്തി നിരോധിത പുകയില ഉത്പന്നങ്ങള് പിടികൂടിയത്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം...
കേരളത്തിലെ എല്ലാ Local News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam