സംസ്ഥാന സര്‍ക്കാർ ഉന്നത വിദ്യാഭ്യാസ വകുപ്പ് ആഭിമുഖ്യത്തിൽ സൗജന്യ തൊഴില്‍ മേള, എസ്എസ്എൽസി പാസായവര്‍ മുതൽ അവസരം

സംസ്ഥാന സർക്കാർ ഉന്നത വിദ്യാഭ്യാസ വകുപ്പ് ഏപ്രിൽ 12ന് വിഴിഞ്ഞം പനവിളക്കോട് കമ്മ്യൂണിറ്റി സ്‌കിൽ പാർക്കിൽ സൗജന്യ തൊഴിൽ മേള നടത്തുന്നു. 

തിരുവനന്തപുരം:  സംസ്ഥാന സര്‍ക്കാര്‍ ഉന്നത വിദ്യാഭ്യാസ വകുപ്പ് നടത്തുന്ന വിഴിഞ്ഞം പനവിളക്കോട് കമ്മ്യൂണിറ്റി സ്‌കില്‍ പാര്‍ക്കില്‍ ഏപ്രില്‍ 12ന് സൗജന്യ തൊഴില്‍ മേള സംഘടിപ്പിക്കുന്നു. 'വിജ്ഞാന കേരളം' പദ്ധതിയുടെ ഭാഗമായി അസാപ് കേരളയുടെ ഭാഗമായാണ് മേള.

100ലധികം ഒഴിവുകളുമായി വിവിധ കമ്പനികള്‍ പങ്കെടുക്കുന്ന  മേളയില്‍ എസ്.എസ്.എല്‍.സി, പ്ലസ്ടു, ഐ.ടി.ഐ , ഡിപ്ലോമ, ഡിഗ്രി, ബി.ടെക്, പിജി യോഗ്യതയുള്ളവര്‍ക്ക് അവസരമുണ്ട്. പങ്കെടുക്കാന്‍ ആഗ്രഹിക്കുന്ന ഉദ്യോഗാര്‍ഥികള്‍ ഏപ്രില്‍ 12ന് രാവിലെ 10ന് ബയോഡേറ്റയും (കുറഞ്ഞത് 3) അനുബന്ധ സര്‍ട്ടിഫിക്കറ്റുകളുമായി പനവിളക്കോട് സ്‌കില്‍ പാര്‍ക്കില്‍ എത്തിച്ചേരണം. മുന്‍കൂട്ടി രജിസ്റ്റര്‍ ചെയ്യാന്‍: https://forms.gle/wx2MfGvQV1L7gzgW9  .  കൂടുതല്‍ വിവരങ്ങള്‍ക്ക്: 9495999697

ഏഷ്യാനെറ്റ് ന്യൂസ് ലൈവ് കാണാം