മദ്യം നൽകിയില്ലെന്ന പേരിൽ ബാറിലെ സെക്യൂരിറ്റിയെ സംഘം ചേർന്ന് മർദിച്ചു; രണ്ട് പേർ കൂടി പിടിയിൽ

ഈ സംഭവത്തിൽ നേരത്തെ മൂന്ന് പ്രതികളെ പൊലീസ് അറസ്‌റ്റ് ചെയ്തിരുന്നു. ഒരു പ്രതിയെ കൂടി കേസിൽ ഇനിയും പിടികൂടാനുമുണ്ട്.

തിരുവനന്തപുരം: വാഴമുട്ടത്ത് ബാറിലെ സുരക്ഷ ജീവനക്കാരനെ തലയ്ക്കടിച്ച് പരിക്കേൽപ്പിച്ച കേസിൽ രണ്ടു പേരെ കൂടി തിരുവല്ലം പൊലീസ് പിടികൂടി. വള്ളക്കടവ് സ്വദേശിയും നിലവിൽ പുഞ്ചക്കരി നിവാസിയുമായ ഷാരൂഖ്‌ഖാൻ (27), കല്ലിയൂർ കാക്കാമൂല സ്വദേശി അഖിൽ ചന്ദ്രൻ(28) എന്നിവരെയാണ് അറസ്‌റ്റു ചെയ്തത്‌. 

ബാറിൽ നിന്ന് മദ്യം നൽകിയില്ലെന്ന പേരിൽ ഒരു മാസം മുമ്പാണ് സുരക്ഷാ ജീവനക്കാരനെ സംഘം ചേർന്ന് മർദിച്ചത്. ഈ സംഭവത്തിൽ നേരത്തെ മൂന്ന് പ്രതികളെ പൊലീസ് അറസ്‌റ്റ് ചെയ്തിരുന്നു. ഒരു പ്രതിയെ കൂടി കേസിൽ ഇനിയും പിടികൂടാനുമുണ്ട്. പ്രതികളെ പൊലീസ് കോടതിയിൽ ഹാജരാക്കി റിമാൻഡ് ചെയ്തു.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം