Trending Videos: പി പി ദിവ്യ വിളിച്ചു, ക്ഷണിച്ചിട്ടില്ലെന്ന് കളക്ടർ; സ്വതന്ത്രനായി ഷാനിബ്

ഇറാന് വേണ്ടി ചാരവൃത്തി നടത്തിയ ഏഴ് ഇസ്രായേലി പൗരന്മാർ അറസ്റ്റിൽയ യുദ്ധസമയത്ത് ശത്രുവിനെ സഹായിച്ചു എന്നത് ഉൾപ്പെടെ ഗുരുതര കുറ്റങ്ങൾ ചുമത്തി കുറ്റപത്രം സമർപ്പിച്ചു. 
 

സ്പീക്കർ എ എൻ ഷംസീർ നവീൻ ബാബുവിന്റെ വീട്ടിലെത്തി കുടുംബത്തെ ആശ്വസിപ്പിച്ചു. നവീൻ ബാബുവിന്‍റെ മരണത്തെ കുറിച്ച് പൊലീസ് അന്വേഷണം നല്ല രീതിയിൽ നടക്കുന്നുവെന്ന് സ്പീക്കർ പ്രതികരിച്ചു. 

എഡിഎം നവീന്‍ ബാബുവിന്റെ മരണത്തിലേക്ക് നയിച്ച വിവാദ യാത്രയയപ്പ് യോഗത്തിലേക്ക് മുന്‍ ജില്ലാ പഞ്ചായത്ത് അധ്യക്ഷ പി പി ദിവ്യയെ ക്ഷണിച്ചിരുന്നില്ലെന്ന് ആവര്‍ത്തിച്ച് ജില്ലാ കളക്ടർ അരുൺ കെ വിജയൻ. നവീന്‍ ബാബുവിനെതിരായ ആരോപണത്തെ കുറിച്ച് നേരത്തെ അറിവുണ്ടായിരുന്നില്ല. നവീൻ ബാബുവുമായി ഉണ്ടായിരുന്നത് നല്ല ബന്ധമാണ്. യോഗത്തിന് മുൻപ് ദിവ്യ വിളിച്ചിരുന്നുവെന്നും കോള്‍ രേഖകൾ ഉൾപ്പെടെ അന്വേഷണ സംഘത്തില്‍ കൈമാറിയെയെന്നും അരുൺ കെ വിജയൻ.

കോണ്‍ഗ്രസിലെ കുറെ പുഴുക്കൾക്കും പ്രാണികൾക്കും വേണ്ടിയാണ് തന്‍റെ പോരാട്ടമെന്ന് എ കെ ഷാനിബ്. ആളുകൾ നിലപാട് പറയുമ്പോൾ അവരെ പുറത്താക്കുന്നതാണു കോൺഗ്രസ്‌ സമീപനം. പാർട്ടി പ്രവർത്തകരുടെ വാക്ക് കേൾക്കാൻ തയ്യാറാകാത്ത ആളാണ് സതീശൻ. സതീശനു ധാർഷ്ട്യമാണെന്ന് എ കെ ഷാനിബ്

പാലക്കാട്ടെ ബിജെപി സ്ഥാനാർത്ഥി കൃഷ്ണകുമാറിന്‍റെ റോഡ് ഷോയിൽ പ്രവർത്തകരുടെ പങ്കാളിത്തം കുറഞ്ഞു. വിജയ സാധ്യതയുള്ള മണ്ഡലത്തിൽ സംഭവിച്ചതെന്ത് എന്നതിന്‍റെ കാരണം തേടുകയാണ് ബിജെപി.

യുപിയിൽ നിന്നെത്തിയ സോനു സിംഗ് വയനാട്ടിൽ പ്രിയങ്ക ഗാന്ധിക്കെതിരെ മത്സരിക്കും. ആരെയും തോൽപ്പിക്കാനല്ല, പ്രധാനമന്ത്രിയാകാനാണ് മത്സരിക്കുന്നതെന്ന് അദ്ദേഹം പറഞ്ഞു.

പാലക്കാട് ബിജെപി സ്ഥാനാർത്ഥിക്ക് ജനപിന്തുണയുണ്ടെന്നും കോൺഗ്രസ് വോട്ടുകൾ ബിജെപിയിലേക്ക് പോയേക്കാമെന്നും പി വി അൻവർ. ബിജെപി ജയിച്ചാൽ അതിന്റെ ഉത്തരവാദിത്തം തന്റെ തലയിൽ ഇടാനാണ് ശ്രമമെന്നും പി വി അന്‍വര്‍.

മേയർ ആര്യ രാജേന്ദ്രനെതിരെ നൽകിയ കേസിൽ കോടതി മേൽനോട്ടത്തിൽ അന്വേഷണം വേണമെന്ന് ആവശ്യപ്പെട്ട് കെ.എസ്.ആർ.ടി.സി ഡ്രൈവർ യദു നൽകിയ ഹർജി ഇന്ന് തിരുവനന്തപുരം മജിസ്‌ട്രേറ്റ് കോടതി പരിഗണിക്കും. കേസിൽ അന്വേഷണ പുരോഗതി റിപ്പോർട്ട്‌ ഹാജരാക്കാൻ പൊലീസിന് കോടതി നിർദേശം നൽകിയിട്ടുണ്ട്.

ദില്ലിയിൽ പലയിടങ്ങളിലായി പ്രിയങ്ക ഗാന്ധിയുടെ നൂറുകണക്കിന് പോസ്റ്ററുകൾ പതിച്ചു. ഉത്തരേന്ത്യൻ സംസ്ഥാനങ്ങളിൽ നിന്നും പ്രചാരണത്തിനായി നിരവധി പ്രവർത്തകർ ഉടൻ വയനാട്ടിലേക്ക് തിരിക്കും. രാഹുൽ ഗാന്ധിക്കൊപ്പം വൈകീട്ട് പ്രിയങ്ക ഗാന്ധി മണ്ഡലത്തിലെത്തും. നാളെ രണ്ട് കിലോമീറ്റ‍ർ റോഡ് ഷോയോടെയാണ് പ്രിയങ്കയുടെ പത്രികാസമർപ്പണം.

എഡിഎം നവീൻ ബാബു അവസാനം സന്ദേശം അയച്ചത് കണ്ണൂർ കളക്ടറേറ്റിലെ രണ്ട് ഉദ്യോഗസ്ഥർക്ക്. ഭാര്യയുടെയും മകളുടെയും ഫോൺ നമ്പറുകളാണ് സന്ദേശത്തിൽ അയച്ചത്. ചൊവ്വാഴ്ച പുലർച്ചെ 4.58നാണ് സന്ദേശം അയച്ചത്.

എഡിഎം നവീൻ ബാബു കണ്ണൂർ ചെങ്ങളായിലെ പെട്രോൾ പമ്പിന് എൻഒസി നൽകിയത് നിയമപരമായെന്ന് ലാൻഡ് റവന്യൂ ജോയിന്‍റ് കമ്മീഷണറുടെ കണ്ടെത്തൽ. ഫയൽ ബോധപൂർവം വൈകിപ്പിച്ചതിനോ കൈക്കൂലി വാങ്ങിയെന്നതിനോ തെളിവില്ല. അന്വേഷണ റിപ്പോർട്ട് ഇന്നോ നാളെയോ സർക്കാരിന് കൈമാറും.