കേരളത്തിൽ നിന്ന് വിദേശത്തേക്ക് ഇതാദ്യം, കൊച്ചി ടു റാസൽഖൈമ; കടത്താൻ ശ്രമിച്ചത് അഞ്ചര കോടിയുടെ ഹൈബ്രിഡ് കഞ്ചാവ്

കേരളത്തിൽ നിന്ന് വിദേശത്തേക്ക് ഇങ്ങനെയൊരു കടത്തൽ പിടികൂടുന്നത് ആദ്യമാണ്.

കൊച്ചി: വമ്പൻ ലഹരിക്കടത്ത് തടഞ്ഞ് കസ്റ്റംസ്. നെടുമ്പാശ്ശേരി വിമാനത്താവളത്തിലാണ് വമ്പൻ ലഹരിക്കടത്ത് നീക്കം തടഞ്ഞ് അഞ്ചരക്കോടിയുടെ ഹൈബ്രിഡ് കഞ്ചാവ് പിടികൂടിയത്. കൊച്ചിയിൽ നിന്ന് റാസൽഖൈമയിലേക്ക് കൊണ്ടുപോവാൻ ശ്രമിക്കുന്നതിനിടെ കസ്റ്റംസ് പ്രിവന്റീവാണ് ഹൈബ്രിഡ് കഞ്ചാവ് പിടിച്ചെടുത്തത്.

മലപ്പുറം സ്വദേശിയെ കസ്റ്റഡിയിലെടുത്തു. പലപ്പോഴും പല മാര്‍ഗങ്ങളിൽ കേരളത്തിലേക്ക് ലഹരി കടത്ത് പിടികൂടിയിട്ടുണ്ടെങ്കിലും കേരളത്തിൽ നിന്ന് വിദേശത്തേക്ക് ഹൈബ്രിഡ് കഞ്ചാവ് കടത്തുന്നത് പിടികൂടുന്നത് ആദ്യമാണ്. വിദേശത്തുനിന്ന് കൊച്ചിയിൽ എത്തിച്ച് ഗൾഫിലേക്ക് കടത്താനായിരുന്നു ശ്രമമെന്നാണ് കസ്റ്റംസ് സംശയം.

എംഡിഎംഎഏഷ്യാനെറ്റ് ന്യൂസ് ലൈവ് കാണാം