ആര്‍സിബിയും തിരിച്ചടിക്കുന്നതാണ് കണ്ടത്. രണ്ടാം പന്തില്‍ ന്നെ കെയ്ല്‍ മെയേഴ്‌സിനെ (0) സിറാജ് അനുജ് റാവത്തിന്റെ കൈകളിലെത്തിച്ചു. നാലാം ഓവറില്‍ ക്രുനാല്‍ പാണ്ഡ്യ (14) മാക്‌സ്‌വെല്ലിന് വിക്കറ്റ് നല്‍കി. തൊട്ടടുത്ത ഓവറില്‍ ആയുഷ് ബദോനിക്കുള്ള (4) മടക്ക ടിക്കറ്റ് ഹേസല്‍വുഡും നല്‍കി.
ലഖ്നൗ: ഐപിഎല്ലില്‍ റോയല്‍ ചലഞ്ചേഴ്സ് ബാംഗ്ലൂരിനെതിരെ 127 റണ്‍സ് റണ്‍സ് വിജയലക്ഷ്യം പിന്തുടരുന്ന ലഖ്നൗ സൂപ്പര്‍ ജെയന്റ്‌സിനും ബാറ്റിംഗ് തകര്‍ച്ച. ലഖ്നൗ ഏകന സ്റ്റേഡിയത്തിലെ ബാറ്റിംഗ് ദുഷ്‌കരമായ പിച്ചില്‍ മറുപടി ബാറ്റിംഗ് ആരംഭിച്ച ലഖ്നൗ ഒടുവില്‍ വിവരം ലഭിക്കുമ്പോള്‍ 8 ഓവറില്‍ നാലിന് 50 എന്ന നിലയിലാണ്. കൃഷ്ണപ്പ ഗൌതം (1), മാര്‍കസ് സ്റ്റോയിനിസ് (9) എന്നിവരാണ് ക്രീസില്‍. ജോഷ് ഹേസല്‍വുഡ്, മുഹമ്മദ് സിറാജ്, ഗ്ലെന്‍ മാക്സ്വെല്, വാനിന്ദു ഹസരങ്ക, കരണ്‍ ശര്‍മ എന്നിവര്‍ക്കാണ് വിക്കറ്റ്. നേരത്തെ, ടോസ് നേടി ബാറ്റിംഗ് തിരഞ്ഞെടുത്ത ആര്‍സിബിക്ക് വേണ്ടി ഫാഫ് ഡു പ്ലെസിസ് (44), വിരാട് കോലി (31) എന്നിവര്‍ മാത്രമാണ് പിടിച്ചുനിന്നത്. മൂന്ന് വിക്കറ്റ് നേടിയ നവീന്‍ ഉള്‍ ഹഖ്, രണ്ട് വിക്കറ്റ് വീതം നേടിയ അമിത് മിശ്ര, രവി ബിഷ്ണോയ് എന്നിവരാണ് ആര്‍സിബിയെ തകര്‍ത്തത്.
എന്നാല്‍ ആര്‍സിബിയും തിരിച്ചടിക്കുന്നതാണ് കണ്ടത്. രണ്ടാം പന്തില്‍ ന്നെ കെയ്ല്‍ മെയേഴ്‌സിനെ (0) സിറാജ് അനുജ് റാവത്തിന്റെ കൈകളിലെത്തിച്ചു. നാലാം ഓവറില്‍ ക്രുനാല്‍ പാണ്ഡ്യ (14) മാക്‌സ്‌വെല്ലിന് വിക്കറ്റ് നല്‍കി. തൊട്ടടുത്ത ഓവറില്‍ ആയുഷ് ബദോനിക്കുള്ള (4) മടക്ക ടിക്കറ്റ് ഹേസല്‍വുഡും നല്‍കി. ദീപക് ഹൂഡയ്ക്ക് (1) രണ്ട് പന്ത് മാത്രമായിരുന്നു ആയുസ്. ഹസരങ്കയുടെ പന്തില്‍ ദിനേശ് കാര്‍ത്തിക് സ്റ്റംപ് ചെയ്ത് പുറത്താക്കി. നിക്കോളാസ് പുരാനെ (9) കരണ്‍ ശര്‍മയും മടക്കിയതോടെ ലഖ്നൌ തിപ്പണമായി. ഫീല്‍ഡിംഗിനിടെ പരിക്കേറ്റ കെ എല്‍ രാഹുല്‍ ബാറ്റിംഗിനെത്തുമോ എന്നുള്ളത് ഉറപ്പായിട്ടില്ല.
undefined
നേരത്തെ, ഒന്നാം വിക്കറ്റില്‍ 62 റണ്‍സിന്റെ കൂട്ടുകെട്ടുണ്ടാക്കിയ ശേഷം വിരാട് കോലിയുടെ (31) വിക്കറ്റാണ് ആര്‍സിബിക്ക് ആദ്യം നഷ്ടമായത്. മൂന്ന് ബൗണ്ടറികള്‍ നേടിയ കോലിയെ രവി ബിഷ്‌ണോയിയുടെ പന്തില്‍ നിക്കോളാസ് പുരാന്‍ സ്റ്റംപ് ചെയ്ത് പുറത്താക്കുകയായിരുന്നു. പിന്നീടെത്തിയ മൂന്ന് താരങ്ങളും രണ്ടക്കം കണ്ടില്ല. അനുജ് റാവത്തിനെ (9) കൃഷ്ണപ്പ ഗൗതം കെയ്ല്‍ മെയേഴ്‌സിന്റെ കൈകളിലെത്തിച്ചു. ഗ്ലെന്‍ മാക്സ്വെല് (4) ബിഷ്‌ണോയിയുടെ പന്തില്‍ റിവേഴ്‌സ് സ്വീപ്പിന് ശ്രമിക്കുന്നിതിനിടെ വിക്കറ്റിന് മുന്നില്‍ കുടുങ്ങി.
സുയഷ് പ്രഭുദേശായ് (6) അമിത് മിശ്രയുടെ പന്തില്‍ ഗൗതമിന് ക്യാച്ച് നല്‍കി. പിന്നാലെ മഴയെത്തി. അല്‍പനേരം മത്സരം മുടങ്ങിയിരുന്നു. മഴയ്ക്ക് ശേഷം കളി തുടങ്ങിയപ്പോള്‍ ഫാഫും മടങ്ങി. മിശ്രയുടെ പന്തില്‍ ക്രുനാലിന് ക്യാച്ച്. ഫാഫിന്റെ ഇന്നിംഗ്‌സിന് വേഗതയുമില്ലായിരുന്നു. 40 പന്തുകള്‍ നേരിട്ട ഫാഫ് ഓരോ സിക്‌സും ഫോറുമാണ് നേടിയത്. മഹിപാല്‍ ലോംറോറിനെ (3) നവീന്‍ ഉല്‍ ഹഖ് വിക്കറ്റിന് മുന്നില്‍ കുടുക്കി. ദിനേശ് കാര്‍ത്തിക് (16) റണ്ണൗട്ടാവുകയും ചെയ്തതോടെ ആര്‍സിബി ചെറിയ സ്‌കോറില്‍ ഒതുങ്ങി. കൃഷ്ണപ്പ ഗൗതം, നവീന്‍ ഉള്‍ ഹഖ് എന്നിവര്‍ ഓരോ വിക്കറ്റും വീഴ്ത്തി.
ടോസ് നേടിയ ആര്‍സിബി ക്യാപ്റ്റന്‍ ലഖ്നൗവിനെ ഫാഫ് ഡു പ്ലെസിസ് ബാറ്റിംഗ് തിരഞ്ഞെടുക്കുകയായിരുന്നു. ഒരു മാറ്റവുമായിട്ടാണ് ലഖ്നൗ ഇറങ്ങിയത്. ആവേഷ് ഖാന് പകരം കൃഷ്ണപ്പ ഗൗതം ടീമിലെത്തി. ആര്‍സിബി രണ്ട് മാറ്റം വരുത്തി. ജോഷ് ഹേസല്‍വുഡ് ടീമിലെത്തി. ഷഹ്ബാസ് അഹമ്മദിന് പകരം അനുജ് റാവത്തിനെ ടീമിലുള്‍പ്പെടുത്തി.
റോയല്‍ ചലഞ്ചേഴ്സ് ബാംഗ്ലൂര്‍: വിരാട് കോലി, ഫാഫ് ഡു പ്ലെസിസ്, അനുജ് റാവത്ത്, ഗ്ലെന്‍ മാക്സ്വെല്, മഹിപാല്‍ ലോംറോര്‍, ദിനേശ് കാര്‍ത്തിക്, സുയഷ് പ്രഭുദേശായ്, വാനിന്ദു ഹസരങ്ക, കരണ്‍ ശര്‍മ, മുഹമ്മദ് സിറാജ്, ജോഷ് ഹേസല്‍വുഡ്.
ലഖ്നൗ സൂപ്പര്‍ ജെയന്റ്സ്: കെ എല്‍ രാഹുല്‍, കെയ്ല്‍ മെയേഴ്സ്, ദീപക് ഹൂഡ, മാര്‍കസ് സ്റ്റോയിനിസ്, ക്രുനാല്‍ പാണ്ഡ്യ, നിക്കോളാസ് പുരാന്‍, കെ ഗൗതം, രവി ബിഷ്ണോയ്, നവീന്‍ ഉള്‍ ഹഖ്, അമിത് മിശ്ര, യഷ് ഠാക്കൂര്‍.
ഐപിഎല്ലില്‍ വീണ്ടുമൊരു പറവ; ഇത്തവണ പറന്നത് കൃഷ്ണപ്പ ഗൗതം- വീഡിയോ