അഞ്ചാം ഓവറിലാണ് ധവാന്‍ മടങ്ങുന്നത്. തുഷാറിന്റെ പന്തില്‍ മതീഷ പതിരാനയ്ക്ക് ക്യാച്ച് നല്‍കിയാണ് ധവാന്‍ മടങ്ങുന്നത്. ഒന്നാം വിക്കറ്റില്‍ പ്രഭ്‌സിമ്രാനൊപ്പം 50 റണ്‍സ് കൂട്ടിചേര്‍ക്കാന്‍ ധവാനായിരുന്നു.
മുംബൈ: ഇന്ത്യന്‍ പ്രീമിയര്‍ ലീഗില്‍ ചെന്നൈ സൂപ്പര്‍ കിംഗ്‌സിനെതിരെ 201 റണ്‍സ് വിജയലക്ഷ്യം പിന്തുടരുന്ന പഞ്ചാബ് കിംഗ്‌സിന് ആദ്യ വിക്കറ്റ് നഷ്ടം. ചെന്നൈ, എം എ ചിദംബരം സ്‌റ്റേഡിയത്തില്‍ ഒടുവില്‍ വിവരം ലഭിക്കുമ്പോള്‍ എട്ട് ഓവറില്‍ ഒന്നിന് 80 റണ്‍സെടുത്തിട്ടുണ്ട് പഞ്ചാബ്. ശിഖര്‍ ധവാന്റെ (28) വിക്കറ്റാണ് പഞ്ചാബിന് നഷ്ടമായത്. തുഷാര്‍ ദേശ്പാണ്ഡെയ്ക്കാണ് വിക്കറ്റ്. പ്രഭ്‌സിമ്രാന്‍ സിംഗ് (8), അഥര്‍വ തൈഡെ (42) എന്നിവരാണ് ക്രീസില്‍. ടോസ് നേടി ബാറ്റിംഗിനെത്തിയ ചെന്നൈക്ക് ഡെവോണ്‍ കോണ്‍വെയുടെ (92) ഇന്നിംഗ്‌സാണ് ചെന്നൈക്ക് തുണയായത്. അര്‍ഷ്ദീപ് സിംഗ്, സിക്കന്ദര്‍ റാസ, രാഹുല്‍ ചാഹര്‍ എന്നിവര്‍ ഓരോ വിക്കറ്റ് വീഴ്ത്തി.
അഞ്ചാം ഓവറിലാണ് ധവാന്‍ മടങ്ങുന്നത്. തുഷാറിന്റെ പന്തില്‍ മതീഷ പതിരാനയ്ക്ക് ക്യാച്ച് നല്‍കിയാണ് ധവാന്‍ മടങ്ങുന്നത്. ഒന്നാം വിക്കറ്റില്‍ പ്രഭ്‌സിമ്രാനൊപ്പം 50 റണ്‍സ് കൂട്ടിചേര്‍ക്കാന്‍ ധവാനായിരുന്നു. നേരത്തെ, കോണ്‍വെ- റിതുരാജ് ഗെയ്കവാദ് (31 പന്തില്‍ 37) സഖ്യം മികച്ച തുടക്കമാണ് ചെന്നൈക്ക് നല്‍കിയത്. ഇരുവരും ഒന്നാം വിക്കറ്റില്‍ 84 റണ്‍സ് കൂട്ടിചേര്‍ത്തു. എന്നാല്‍ ഗെയ്കവാദിനെ പുറത്താക്കി റാസ പഞ്ചാബിന് ബ്രേക്ക് ത്രൂ നല്‍കി. ജിതേശ് ശര്‍മ സ്റ്റംപ് ചെയ്യുകയായിരുന്നു ഗെയ്കവാദിനെ. മൂന്നാമതെത്തിയ ശിവം ദുബെയ്ക്ക് (17 പന്തില്‍ 28) പതിവ് മികവ് പുറത്തെടുക്കാനായില്ല. അര്‍ഷ്ദീപിന്റെ പന്തില്‍ ഷാരുഖ് ഖാന് ക്യാച്ച്. മൊയീന്‍ അലിയും (ആറ് പന്തില്‍ 10) നിരാശപ്പെടുത്തി. അവസാന ഓവറില്‍ ആദ്യ പന്തില്‍ തന്നെ രവീന്ദ്ര ജഡേജ (10 പന്തില്‍ 12) മടങ്ങി. പിന്നീടെത്തിയത് എം എസ് ധോണി (നാല് പന്തില്‍ 13). അവസാന രണ്ട് പന്തുകള്‍ സിക്‌സുകള്‍ പായിച്ച് ധോണി സ്‌കോര്‍ 200ലെത്തിച്ചു. 52 പന്തുകള്‍ നേരിട്ട കോണ്‍വെ ഒരു സിക്‌സും 16 ഫോറും നേടി.
undefined
പഞ്ചാബ് ടീമില്‍ ഹര്‍പ്രീത് ഭാട്ടിയ എത്തിയതാണ് ഒരേയൊരു മാറ്റം. ചെന്നൈ ടീമില്‍ മാറ്റങ്ങളൊന്നുമില്ല. ചെന്നൈ കഴിഞ്ഞ മത്സരത്തില്‍ രാജസ്ഥാന്‍ റോയല്‍സിനോട് തോറ്റപ്പോള്‍ പഞ്ചാബ് ലഖ്നൗ സൂപ്പര്‍ ജയന്റ്‌സിനോട് തോല്‍വി വഴങ്ങി. പോയിന്റ് പട്ടികയില്‍ നാലാമതാണ് ചെന്നൈ. എട്ട് മത്സരങ്ങളില്‍ 10 പോയിന്റാണ് അവര്‍ക്കുള്ളത്. രാജസ്ഥാന്‍ റോയല്‍സ്, ലഖ്നൗ സൂപ്പര്‍ ജെയന്റ്സ് എന്നിവര്‍ക്കും പത്ത് പോയിന്റാണെങ്കിലും റണ്‍റ്റേ് അടിസ്ഥാനത്തില്‍ ചെന്നൈ പിറകിലാണ്. ആറ് പോയിന്റുള്ള പഞ്ചാബ് ആറാമതാണ്.
പഞ്ചാബ് കിംഗ്സ് (പ്ലേയിംഗ് ഇലവന്‍): അഥര്‍വ ടൈഡെ, ശിഖര്‍ ധവാന്‍, ലിയാം ലിവിംഗ്സ്റ്റണ്‍, സിക്കന്ദര്‍ റാസ, സാം കുറാന്‍, ജിതേഷ് ശര്‍മ്മ, ഷാരൂഖ് ഖാന്, ഹര്‍പ്രീത് സിംഗ് ഭാട്ടിയ, കാഗിസോ റബാഡ, രാഹുല്‍ ചാഹര്‍, അര്‍ഷ്ദീപ് സിംഗ്.
ചെന്നൈ സൂപ്പര്‍ കിംഗ്സ് (പ്ലേയിംഗ് ഇലവന്‍): റുതുരാജ് ഗെയ്ക്വാദ്, ഡെവണ്‍ കോണ്‍വേ, അജിങ്ക്യ രഹാനെ, മൊയിന്‍ അലി, അമ്പാട്ടി റായിഡു, ശിവം ദുബെ, രവീന്ദ്ര ജഡേജ, എംഎസ് ധോണി, മതീഷ പതിരണ, തുഷാര്‍ ദേശ്പാണ്ഡെ, മഹീഷ് തീക്ഷണ.