സണ്‍റൈസേഴ്‌സ് ഹൈദരാബാദിന് മോശം തുടക്കം. ആറ് ഓവര്‍ പൂര്‍ത്തിയായപ്പോള്‍ 27-1 എന്ന നിലയിലാണ് സണ്‍റൈസേഴ്‌സ്.
മൊഹാലി: ഐപിഎല്ലില്‍ കിംഗ്‌സ് ഇലവന്‍ പഞ്ചാബിനെതിരെ സണ്‍റൈസേഴ്‌സ് ഹൈദരാബാദിന് മോശം തുടക്കം. ആറ് ഓവര്‍ പൂര്‍ത്തിയായപ്പോള്‍ 27-1 എന്ന നിലയിലാണ് സണ്‍റൈസേഴ്‌സ്. വാര്‍ണറും(9) വിജയ് ശങ്കറുമാണ്(9) ക്രീസില്‍. ഒരു റണ്‍സെടുത്ത ബെയര്‍സ്റ്റോയെ മുജീബ് പുറത്താക്കി.
സണ്‍റൈസേഴ്‌സ് സാവധാനമാണ് തുടങ്ങിയത്. അങ്കിത് രജ്‌പുത് എറിഞ്ഞ ആദ്യ ഓവറില്‍ മൂന്ന് റണ്‍സ്. മുജീബ് എറിഞ്ഞ രണ്ടാം ഓവറിലെ നാലാം പന്തില്‍ ബെയര്‍സ്റ്റോ, അശ്വിന്‍റെ കൈകളില്‍ അവസാനിക്കുകയായിരുന്നു.
ടോസ് നേടിയ കിംഗ്‌സ് ഇലവന്‍ പഞ്ചാബ് ബൗളിംഗ് തെരഞ്ഞെടുക്കുകയായിരുന്നു. പഞ്ചാബ് നിരയില്‍ മുജീബ് റഹ്മാനും അങ്കിത് രജ്‌പുതും തിരിച്ചെത്തി. എന്നാല്‍ സണ്‍റൈസേഴ്‌സ് മാറ്റമില്ലാതെയാണ് കളിക്കുന്നത്. അഞ്ചില്‍ മൂന്ന് മത്സരങ്ങള്‍ ജയിച്ച ഇരു ടീമുകള്‍ക്കും ആറ് പോയിന്‍റ് വീതമാണുള്ളത്.