മുംബൈ ഇന്ത്യന്‍സ് ട്വിറ്റര്‍ ഹാന്‍ഡിലില്‍ പങ്കുവെച്ച വീഡിയോക്ക് താഴെ ഇത് യഥാര്‍ഥ വീഡിയോ ആണോ സംശയമുന്നയിച്ചും ആരാധകര്‍ എത്തിയിട്ടുണ്ട്.
മുംബൈ: മായാവി സിനിമയിലെ സലീംകുമാറിന്റെ കണ്ണന്‍ സ്രാങ്കിനെ ആരാധകര്‍ മറന്നിട്ടുണ്ടാവില്ല. ആരാധകര്‍ മറന്നാലും ട്രോളന്‍മാര്‍ മറക്കില്ല. ഏതാണ്ട് കണ്ണന്‍ സ്രാങ്കിനെ അനുസ്മരിപ്പിച്ച പ്രകടനം പുറത്തെടുത്തിരിക്കുകയാണ് മുംബൈ ഇന്ത്യന്‍സ് താരം സൂര്യകുമാര്‍ യാദവ്. ചുവരില്‍ തൂക്കിയിട്ടിരിക്കുന്ന ഡാര്‍ട്ടിലേക്ക്(വൃത്താകൃതിയിലുള്ള പലക) നോക്കുകപോലും ചെയ്യാതെ അതിന്റെ മധ്യത്തില്‍ തന്നെ അമ്പെയ്ത് കൊള്ളിച്ച് കണ്ണന്‍ സ്രാങ്കിനെപ്പോലെ ഇതൊക്കെ എന്തെന്ന ഭാവത്തില്‍ മടങ്ങിപ്പോവുന്ന സൂര്യകുമാര്‍ യാദവിന്റെ വീഡിയോ ആണ് ആരാധകര്‍ ഏറ്റെടുത്തത്.
1 attempt, no-look... hits the Bullseye 🎯
Paltan, what do you think? Fake 😂 or Real 🤔 pic.twitter.com/6WlkSnntrP
മുംബൈ ഇന്ത്യന്‍സ് ട്വിറ്റര്‍ ഹാന്‍ഡിലില്‍ പങ്കുവെച്ച വീഡിയോക്ക് താഴെ ഇത് യഥാര്‍ഥ വീഡിയോ ആണോ സംശയമുന്നയിച്ചും ആരാധകര്‍ എത്തിയിട്ടുണ്ട്. എന്നാല്‍ ഇത് യഥാര്‍ത്ഥ വീഡിയോ ആണെന്നും മുംബൈയുടെ ശക്തിയാണ് ഇത് കാണിക്കുന്നതെന്ന അഭിപ്രായവുമായി മുംബൈ ആരാധകരും രംഗത്തെത്തിയിട്ടുണ്ട്.
ഐപിഎല്ലില്‍ കിംഗ്സ് ഇലവന്‍ പഞ്ചാബിനെതിരെ ആണ് മുംബൈ ഇന്ത്യന്‍സിന്റെ അടുത്ത മത്സരം. അതിനിടെ നിര്‍ണായക മത്സരത്തില്‍ യുവരാജ് സിംഗിനെ കളിപ്പിക്കണമെന്നാവശ്യപ്പെട്ടും ആരാധകര്‍ രംഗത്തെത്തിയിട്ടുണ്ട്.