കുവൈത്തിലേക്ക് പോകുന്ന ഈജിപ്ത് എയർ 615 നമ്പർ വിമാനത്തിൽ യാത്രക്കാർക്കുള്ള നടപടിക്രമങ്ങൾ പൂർത്തിയാക്കുന്നതിനിടെയാണ് അറസ്റ്റ്. സംശയം തോന്നിയതോടെ ഈജിപ്ഷ്യൻ പൗരന്‍റെ ബാഗുകള്‍ പരിശോധിക്കുകയായിരുന്നു
കുവൈത്ത് സിറ്റി: ഈജിപ്തിനെ ഞെട്ടിച്ച് കെയ്റോ അന്താരാഷ്ട്ര വിമാനത്താവളക്കിലെ കള്ളക്കടത്ത്. ഷവർമക്കുള്ളിൽ ഒളിപ്പിച്ച ഒരു മില്യൺ പൗണ്ടുകൾ ഉൾപ്പെട്ട കള്ളക്കടത്ത് ശ്രമമാണ് കെയ്റോ അന്താരാഷ്ട്ര വിമാനത്താവളത്തിലെ ഉദ്യോഗസ്ഥര്‍ തടഞ്ഞത്. ഷവർമ ഭക്ഷണത്തിനുള്ളിൽ 1,253,000 പൗണ്ട് കടത്താൻ ശ്രമിച്ച ഈജിപ്ഷ്യൻ പൗരനാണ് അറസ്റ്റിലായിട്ടുള്ളത്. കുവൈത്തിലേക്കുള്ള യാത്രക്കിടെയാണ് ഇയാളെ വിമാനത്താവള അധികൃതർ പിടികൂടിയത്.
കുവൈത്തിലേക്ക് പോകുന്ന ഈജിപ്ത് എയർ 615 നമ്പർ വിമാനത്തിൽ യാത്രക്കാർക്കുള്ള നടപടിക്രമങ്ങൾ പൂർത്തിയാക്കുന്നതിനിടെയാണ് അറസ്റ്റ്. സംശയം തോന്നിയതോടെ ഈജിപ്ഷ്യൻ പൗരന്‍റെ ബാഗുകള്‍ പരിശോധിക്കുകയായിരുന്നു. സ്റ്റാൻഡേർഡ് പാസഞ്ചർ സ്ക്രീനിങ്ങിൽ തന്നെ ഉദ്യോഗസ്ഥര്‍ക്ക് സംശയം ഉയർന്നു. വ്യക്തിയുടെ ലഗേജുകൾ സൂക്ഷ്മമായി പരിശോധിച്ചപ്പോൾ എയർപോർട്ട് അധികൃതർ ഷവർമക്കുള്ളിൽ വലിയ തുകകൾ ശ്രദ്ധാപൂർവ്വം ഒളിപ്പിച്ചതായി കണ്ടെത്തി. സുരക്ഷാ ജീവനക്കാരെ കബളിപ്പിക്കാനായിരുന്നു ഒളിച്ചുകളി.
യുഎസിൽ ജോലിക്ക് പോകണം, അവധി അപേക്ഷ സർക്കാർ തള്ളി; സ്വയം വിരമിച്ച് വിജിലൻസ് ഡയറക്ടർ വിനോദ് കുമാർ
ഏഷ്യാനെറ്റ് ന്യൂസ് വാർത്തകൾ തത്സമയം കാണാം