ആളുകൾ സാമൂഹിക അകലം പാലിക്കുന്നുണ്ടെന്നും മാസ്ക് ധരിക്കുന്നുവെന്നും ഉറപ്പാക്കാൻ എൻഫോഴ്‌സ്‌മെന്റ് മെഷിനറി കർശനമാക്കാൻ ജില്ലാ മജിസ്‌ട്രേറ്റുകൾക്കും പൊലീസ് ഡെപ്യൂട്ടി കമ്മീഷണർമാർക്കും (ഡിസിപിമാർ) നിർദ്ദേശം നൽകിയിട്ടുണ്ട്.
ദില്ലി: കൊവിഡ് 19ന്റെ പുതിയ വകഭേദമായ ഒമിക്രോൺ കേസുകൾ വർദ്ധിച്ചു വരുന്ന സാഹചര്യത്തിൽ ക്രിസ്മസ്, പുതുവത്സരാഘോഷങ്ങൾ നിരോധിച്ച് ദില്ലി സർക്കാർ. എല്ലാതരത്തിലുള്ള സാംസ്കാരിക പരിപാടികൾക്കും നിരോധനം ഏർപ്പെടുത്തിയതായി ഡൽഹി ദുരന്തനിവാരണ അതോറിറ്റി (Delhi Disaster Management Authority) ഉത്തരവിൽ വ്യക്തമാക്കി.
മാസ്ക് ധരിക്കാതെ വരുന്നവരെ കടകളിൽ പ്രവേശിപ്പിക്കരുതെന്ന് വ്യാപാരികൾക്കും നിർദേശം നൽകിയിട്ടുണ്ട്. ക്രിസ്മസിനും പുതുവർഷത്തിനും മുന്നോടിയായി കൊവിഡ്-19 സൂപ്പർസ്‌പ്രെഡർ സാധ്യതയുള്ള പ്രദേശങ്ങൾ തിരിച്ചറിയാൻ ജില്ലാ മജിസ്‌ട്രേറ്റുകൾക്ക് (ഡിഎം) ഡിഡിഎംഎ നിർദ്ദേശം നൽകിയിട്ടുണ്ട്.
undefined
ദില്ലിയിൽ ഉടനീളം സാമൂഹിക/രാഷ്ട്രീയ/സാംസ്കാരിക/മത/ഉത്സവ സംബന്ധമായ എല്ലാ ഒത്തുചേരലുകളും നിരോധിച്ചിരിക്കുന്നു. ഡൽഹിയിലെ എൻസിടിയിൽ ക്രിസ്മസ് അല്ലെങ്കിൽ ന്യൂ ഇയർ ആഘോഷിക്കുന്നതിനായി സാംസ്കാരിക പരിപാടികൾ/സമ്മേളനങ്ങൾ എന്നിവ നടക്കുന്നില്ലെന്ന് എല്ലാ ജില്ലാ മജിസ്‌ട്രേറ്റുകളും ഡിസിപിമാരും ഉറപ്പാക്കണമെന്നും ഡിഡിഎംഎ ഉത്തരവിൽ പറയുന്നു.
ആളുകൾ സാമൂഹിക അകലം പാലിക്കുന്നുണ്ടെന്നും മാസ്ക് ധരിക്കുന്നുവെന്നും ഉറപ്പാക്കാൻ എൻഫോഴ്‌സ്‌മെന്റ് മെഷിനറി കർശനമാക്കാൻ ജില്ലാ മജിസ്‌ട്രേറ്റുകൾക്കും പൊലീസ് ഡെപ്യൂട്ടി കമ്മീഷണർമാർക്കും (ഡിസിപിമാർ) നിർദ്ദേശം നൽകിയിട്ടുണ്ട്.
എല്ലാ ജില്ലാ മജിസ്‌ട്രേറ്റുകളും അവരുടെ അധികാരപരിധിയിലുള്ള മുഴുവൻ പ്രദേശത്തും തീവ്രമായ സർവേ നടത്തുകയും കൊറോണ വൈറസിന്റെയും അതിന്റെ ഒമിക്‌റോണിന്റെയും സൂപ്പർസ്‌പ്രെഡറുകളാകാൻ സാധ്യതയുള്ള മാർക്കറ്റുകൾ, തിരക്കേറിയ സ്ഥലങ്ങൾ എന്നിവ കണ്ടെത്തുകയും വേണമെന്ന് ഡിഡിഎംഎ ഉത്തരവിൽ പറഞ്ഞു.
കൊവിഡ് കേസുകൾ കൂടാതിരിക്കാൻ എല്ലാ ഡിഎംമാരും ഡിസിപികളും കൊവിഡ്-അനുയോജ്യമായ പെരുമാറ്റം കർശനമായി പാലിക്കാൻ പൊതു സ്ഥലങ്ങളിൽ അതീവ ജാഗ്രത പാലിക്കുന്നതിന് ആവശ്യമായ എൻഫോഴ്‌സ്‌മെന്റ് ടീമുകളെ ഫീൽഡിൽ വിന്യസിക്കണമെന്ന് ഉത്തരവിൽ പറയുന്നുണ്ട്.
കൊവിഡ് 19; ചൈനയില്‍ വീണ്ടും ലോക്ഡൗണ്‍ പ്രഖ്യാപനങ്ങള്‍...