പ്ലാസ്റ്റിക്, പേപ്പർ, കാർഡ്ബോർഡ് തുടങ്ങിയ ഫുഡ് പാക്കേജിങ് മെറ്റീരിയലുകളിൽ കാൻസറിന് കാരണമാകുന്ന ഘടകങ്ങളുണ്ടെന്നാണ് പഠനത്തിൽ കണ്ടെത്തിയത്. ഫ്രോണ്ടിയേഴ്സ് ഇൻ ടോക്സിക്കോളജി ജേണലിൽ പ്രസിദ്ധീകരിച്ച പഠനത്തിലാണ് ഈ കണ്ടെത്തൽ.
ഫുഡ് പാക്കേജുകളിൽ സ്തനാർബുദത്തിന് കാരണമാകുന്ന ചില രാസവസ്തുക്കൾ കണ്ടെത്തിയതായി പുതിയ പഠനം.ഭക്ഷ്യമേഖലയിലെ പാക്കേജിങ് വിഭാഗത്തിൽ മാത്രം 189-ഓളം കാൻസറിന് കാരണമാകുന്ന കെമിക്കലുകളുടെ സാന്നിധ്യം കണ്ടെത്തിയതായി പഠനത്തിൽ പറയുന്നു.
പ്ലാസ്റ്റിക്, പേപ്പർ, കാർഡ്ബോർഡ് തുടങ്ങിയ ഫുഡ് പാക്കേജിങ് മെറ്റീരിയലുകളിൽ ഇരുനൂറിനടുത്ത് കാൻസറിന് കാരണമാകുന്ന ഘടകങ്ങളുണ്ടെന്നാണ് പഠനത്തിൽ കണ്ടെത്തിയത്. ഫ്രോണ്ടിയേഴ്സ് ഇൻ ടോക്സിക്കോളജി ജേണലിൽ പ്രസിദ്ധീകരിച്ച പഠനത്തിലാണ് ഈ കണ്ടെത്തൽ.
ഉൽപ്പാദനം, സംസ്കരണം, പാക്കേജിംഗ്, സംഭരണം, ഉപഭോഗം എന്നിവയ്ക്കിടെ ഭക്ഷണവുമായി നേരിട്ടോ അല്ലാതെയോ സമ്പർക്കം പുലർത്തുന്ന പദാർത്ഥങ്ങളും വസ്തുക്കളുമാണ് ഫുഡ് കോൺടാക്റ്റ് മെറ്റീരിയലുകൾ (എഫ്സിഎം). ഈ മെറ്റീരിയലുകളിൽ പാക്കേജിംഗ്, കണ്ടെയ്നറുകൾ, പാത്രങ്ങൾ, പ്ലാസ്റ്റിക്, ഗ്ലാസ്, മെറ്റൽ, പേപ്പർ അല്ലെങ്കിൽ കോട്ടിംഗുകൾ എന്നിവയിൽ നിന്ന് നിർമ്മിച്ച ഉപകരണങ്ങൾ എന്നിവ ഉൾപ്പെടുന്നു.
ഭക്ഷണത്തിൻ്റെ പുതുമയും പോഷകമൂല്യവും നിലനിർത്തിക്കൊണ്ട് മലിനീകരണത്തിൽ നിന്ന് സംരക്ഷിക്കുന്നതിലൂടെ ഭക്ഷ്യ വിതരണ ശൃംഖലയിൽ എഫ്സിഎമ്മുകൾ നിർണായക പങ്ക് വഹിക്കുന്നു. പാക്കേജിങ് ഘടകങ്ങളിൽ ബിസ്ഫെനോൾസ്, ഫാതലേറ്റ്സ്, പെർഫ്ലുറോആൽക്കൈൽ, പോളിഫ്ലൂറോആൽക്കൈൽ തുടങ്ങിയ കെമിക്കലുകളുടെ സാന്നിധ്യമാണ് കൂടുതലായും കണ്ടെത്തിയത്.
സ്തനാർബുദം ഒരു പ്രധാന ആശങ്കയാണ്. BRCA1, BRCA2 പോലുള്ള ജനിതകമാറ്റങ്ങൾ, കുടുംബ ചരിത്രം, പരിസ്ഥിതി, ജീവിതശൈലി ഘടകങ്ങൾ എന്നിവയെല്ലാം രോഗം വരാനുള്ള സാധ്യത വർദ്ധിപ്പിക്കുന്നു. സാധാരണ ലക്ഷണങ്ങളിൽ മുഴകൾ അല്ലെങ്കിൽ സ്തനത്തിൻ്റെ ആകൃതിയിലും ചർമ്മത്തിലും മാറ്റം ഉൾപ്പെടുന്നു.
ഇടയ്ക്കിടെയുള്ള പരിശോധന വളരെ പ്രധാനമാണ്. സ്തനാർബുദം നേരത്തെ കണ്ട് പിടിക്കാനുള്ള ആദ്യപടിയാണ് സ്വയം പരിശോധന എന്നത്. എന്നാൽ ഇത് ഒരിക്കലും മാമോഗ്രാമിന് പകരമല്ല. സ്തനാർബുദം കണ്ടുപിടിക്കാൻ സഹായിക്കുന്ന മെഡിക്കൽ രീതിയാണ് മാമോഗ്രാം.ഇത് ചെയ്യുമ്പോൾ സ്തനങ്ങളിലെ വ്യതിയാനങ്ങളെല്ലാം കണ്ടുപിടിക്കാൻ കഴിയും.
കണ്ണുകളുടെ ആരോഗ്യത്തിന് വേണ്ട പ്രധാനപ്പെട്ട അഞ്ച് പോഷകങ്ങൾ