Shark : കടലില്‍ സര്‍ഫ് ചെയ്യുന്നതിനിടെ തൊട്ട് പുറകില്‍ സ്രാവ്, ഒടുവില്‍ അവിശ്വസനീയമായ രക്ഷപ്പെടല്‍ !
First Published | Dec 2, 2021, 1:54 PM ISTകടലില്‍ നീന്തുന്നതിനിടെ ഒപ്പം ഒരു കൊലയാളി സ്രാവും നീന്തിയാല്‍ എന്താകും നിങ്ങളുടെ അവസ്ഥ ? ജോർജ്ജ് ബെനിറ്റസ് എന്നയാള്‍ ഇന്നലെ മിഡിൽസ് ബീച്ച് സന്ദർശിക്കുന്നതിനിടെ പകര്‍ത്തിയ വീഡിയോയില്‍ അത്തരമൊരു ദൃശ്യം കാണാം. കടലില്‍ സര്‍ഫ് ചെയ്യുകയായിരുന്ന ഒരാളുടെ തൊട്ടടുത്ത് കൂടി ഒരു കൊലയാളി സ്രാവ് നീന്തുന്നു. സ്രാവിനെ കണ്ടതും സര്‍ഫ് ചെയ്യുന്നയാള്‍ സര്‍വ്വ ശക്തിയുമെടുത്ത് ഇരുകൈകള്‍കൊണ്ടും തുഴഞ്ഞ് കരപിടിക്കാന്‍ ശ്രമിക്കുന്ന വീഡിയോ നിമിഷ നേരം കൊണ്ട് തന്നെ സാമൂഹ്യമാധ്യമങ്ങളില്‍ തരംഗമായി.