ഈ സിനിമകള്‍ ഇനി എന്നു കാണാനാവും? മുടങ്ങിക്കിടക്കുന്ന പ്രധാന റിലീസുകള്‍
First Published | May 1, 2020, 7:37 PM ISTകൊറോണവൈറസ് ലോകമാകമാനം ഏറ്റവുമധികം നഷ്ടമുണ്ടാക്കിയ ഒരു വ്യവസായം സിനിമയാണ്. ഹോളിവുഡും ബോളിവുഡും എന്നുവേണ്ട ലോകമാകമാനമുള്ള എണ്ണമറ്റ ഭാഷകളിലെ സിനിമാവ്യവസായങ്ങള്‍ താഴിട്ടുപൂട്ടിയ നിലയിലാണ്. പുതിയ റിലീസുകള്‍ പോയിട്ട് ചിത്രീകരണം പോലും നിലച്ചിരിക്കുന്നു. തീയേറ്ററുകള്‍ ഇനി എന്ന് തുറക്കുമെന്ന അനിശ്ചിതത്വം ഒരു വശത്ത്. ഇനി തുറന്നാല്‍ തന്നെ കാണികള്‍ പഴയതുപോലെ എത്താന്‍ എത്രകാലമെടുക്കുമെന്ന് ട്രേഡ് അനലിസ്റ്റുകള്‍ ആശങ്ക പങ്കുവെക്കുന്നുണ്ട്. ഇന്ത്യന്‍ സിനിമയെ സംബന്ധിച്ച് നഷ്ടങ്ങളുടെ മാസങ്ങളാണ് കടന്നുപോകുന്നത്. വേനലവധി, ഈസ്റ്റര്‍, വിഷു തുടങ്ങി വരാനിരിക്കുന്ന ഈദും ലോക്ക് ഡൗണ്‍ കവരുമെന്ന് ഉറപ്പാണ്. പല ഭാഷകളിലായി വന്‍ മുതല്‍മുടക്കില്‍ നിര്‍മ്മിക്കപ്പെട്ട്, എല്ലാ പ്രവര്‍ത്തനങ്ങളും പൂര്‍ത്തിയായിട്ടും റിലീസ് ചെയ്യാനാവാതെ പോകുന്ന സിനിമകള്‍ ഇവയാണ്.