കെഎസ്ആര്‍ടിസി ബസ്സില്‍ ക്ലാസ്, മെട്രോയില്‍ വിവാഹ ഷൂട്ടിങ്ങ്, കെ റെയില്‍ ബാര്‍ ആക്കാമോയെന്ന് ട്രോളന്മാര്‍
First Published | May 18, 2022, 4:41 PM IST
സര്‍ക്കാര്‍ ഏതൊരു പുതിയ പദ്ധതി വരുന്നതിനും മുന്നെ, പദ്ധതി വിജയിക്കുമോയെന്ന സാദ്ധ്യതാ പഠനം നടത്തും. കാരണം, പദ്ധതി പ്രാവര്‍ത്തികമായതിന് ശേഷം പിന്നീട് നഷ്ടത്തിലായാല്‍ അത് സര്‍ക്കാറിന് ക്ഷീണമാണെന്നത് കൊണ്ട് തന്നെ. അങ്ങനെ ഒരു വിജയ പദ്ധതിയായി അവതരിപ്പിച്ചായിരുന്നു മെട്രോ റയില്‍ കേരളത്തിലെത്തിയത്. എന്നാല്‍, കഴിഞ്ഞ വർഷത്തെ കണക്കുകൾ പ്രകാരം പ്രതിദിനം ഒരുകോടി രൂപയാണ് കൊച്ചി മെട്രോയുടെ നഷ്ടമെന്ന് സര്‍ക്കാറിന്‍റെ കണക്കുകള്‍ തന്നെ തെളിവ് തരുന്നു. ഇതിനിടെയാണ് മറ്റൊരു വിജയകരമായ പദ്ധതിയുമായി സര്‍ക്കാര്‍ മുന്നോട്ട് പോകുന്നത്, കെ റെയില്‍. കെ എസ് ആര്‍ ടിസിയുടെ നഷ്ടക്കണക്ക് കൂടി വന്നതോടെ സര്‍ക്കാര്‍ പ്രതിരോധത്തിലായി. വരുമാനം കണ്ടെത്താനായി കെഎസ്ആര്‍ടിസി ബസില്‍ ക്ലാസ് റൂം ആരംഭിക്കാനും മെട്രോ റെയില്‍ വിവാഹ ഷൂട്ടിങ്ങിന് നല്‍കാനും സര്‍ക്കാര്‍ തീരുമാനിച്ചു. അപ്പോഴാണ്, വരാനിരിക്കുന്ന കെ റെയില്‍ ബാറാക്കാമോയെന്ന് ചോദിച്ച് ട്രോളന്മാര്‍ രംഗത്തെത്തിയത്. കാണാം സര്‍ക്കാറിന്‍റെ നൂതന പദ്ധതികളും പിന്നെ ട്രോളുകളും.