കാലിത്തീറ്റ വില വര്‍ദ്ധനയ്ക്കെതിരെ 'പോത്തുമായി കാലന്‍'; പാല് വില കൂട്ടണമെന്ന് ക്ഷീര കർഷകർ
First Published | May 5, 2022, 3:01 PM ISTകാലിത്തീറ്റ വില കുത്തനെ ഉയരുമ്പോള്‍ വ്യത്യസ്തസമരവുമായി പത്തനംതിട്ടയിലെ ക്ഷീര കര്‍ഷകര്‍. കുതിച്ചുയരുന്ന കാലിത്തീറ്റ വര്‍ദ്ധനയിൽ പ്രതിഷേധിച്ച് പ്രതീക്താമക കാലൻ, പോത്തുമായിട്ടായിരുന്നു സമരത്തിനെത്തിയത്. കാലന്‍റെ പോത്തായാലും കാലിത്തീറ്റയില്ലാതെ ഇല്ലാതെ ജീവിക്കാൻ കഴിയുമോ ? എന്ന് സമരക്കാര്‍ ചോദിച്ചു. കാലിതീറ്റ വില വർദ്ധന മൂലം കടുത്ത പ്രതിസന്ധിയിലാണ് ക്ഷീര കർഷകർ. ഉത്പാദന ചെലവിന് അനുസരിച്ച് കർഷകന് പാലിന് വില ലഭിക്കുന്നില്ല. കഴിഞ്ഞ ഒരു മാസത്തിനുള്ളിൽ കാലിതീറ്റക്ക് 110 രൂപയാണ് വർധിച്ചതെന്നും വില കൂട്ടുന്നതിൽ സർക്കാർ കമ്പനികളും സ്വകാര്യ കമ്പനികളും മത്സരിക്കുകയാണെന്നും സമരക്കാര്‍ ആരോപിച്ചു. അവശ്യസാധനങ്ങളുടെ വില വര്‍ദ്ധിപ്പിച്ചതിന് ആനുപാതികമായി പാല് വില വര്‍ദ്ധിപ്പിക്കണമെന്നും സമരക്കാര്‍ ആവശ്യപ്പെട്ടു. ചിത്രങ്ങളും എഴുത്തും ബിദിൻ ദാസ്.