ആശങ്ക ഒഴിയാതെ കേരളം; കൊവിഡ് ലക്ഷണങ്ങളോടെ 211 പേരെ കൂടി ആശുപത്രിയില്‍ പ്രവേശിപ്പിച്ചു
First Published | Jun 8, 2020, 8:51 PM ISTകേരളത്തില്‍ കൊവിഡ് ആശങ്ക ദിനംപ്രതി വര്‍ധിക്കുകയാണ്. 91 പേര്‍ക്ക് കൂടി കൊവിഡ് 19 സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 1174 ആയി ഉയര്‍ന്നു. രോഗം സ്ഥിരികരിച്ച് ചികിത്സയിലായിരുന്ന 11 പേരുടെ മാത്രം പരിശോധനാഫലമാണ് ഇന്ന് നെഗറ്റീവ് ആയത്. അതേസമയം നിരീക്ഷണത്തിലുണ്ടായിരുന്നതില്‍ രോഗലക്ഷണം കാട്ടിയ 211 പേരെകൂടി ഇന്ന് ആശുപത്രിയിലേക്ക് മാറ്റിയെന്ന് ആരോഗ്യ മന്ത്രി കെ കെ ശൈലജ ടീച്ചര്‍ വാര്‍ത്താകുറിപ്പിലൂടെ അറിയിച്ചു.