അമേരിക്കയില്‍ പകുതിയിലേറെ പേരും കരുതുന്നു, 'രണ്ടാം യുഎസ് ആഭ്യന്തരയുദ്ധം ഉണ്ടാകും'
First Published | Jul 26, 2022, 3:52 PM ISTഅമേരിക്കയില്‍ സമീപ വര്‍ഷങ്ങളില്‍ രണ്ടാം ആഭ്യന്തരയുദ്ധത്തിന് (US civil war) സാധ്യതയുള്ളായി പകുതിയോളം പേര്‍ പറയുന്നുവെന്ന് ഏറ്റവും പുതിയ പഠനം പറയുന്നു. കാലിഫോർണിയ സർവ്വകലാശാലയിലെ ഗവേഷകർ, രാജ്യത്തുടനീളമുള്ള 8,620 മുതിർന്നവരിൽ അടുത്തിടെ നടത്തിയ സർവേയിലാണ് ജനങ്ങളുടെ ഈ ആശങ്ക പുറത്ത് വന്നത്. സർവേയിൽ ജനങ്ങള്‍ക്കിടയില്‍ ആശങ്കാജനകമായ 'അന്യവൽക്കരണം', 'അവിശ്വാസം', അക്രമത്തിലേക്ക് തിരിയാനുള്ള വർദ്ധിച്ചുവരുന്ന പ്രവണത എന്നിവ കണ്ടെത്തി. രാജ്യത്തിന്‍റെ ആഴമേറിയ ഭിന്നിപ്പുകളെ കുറിച്ച് നടത്തിയ സര്‍വ്വയില്‍ പ്രതികരിച്ചവരിൽ മൂന്നിൽ രണ്ട് ഭാഗവും യുഎസ് ജനാധിപത്യം ഗുരുതരമായ ഭീഷണി നേരിടുകയാണെന്നും 50.1 ശതമാനം പേർ അടുത്ത ഏതാനും വർഷങ്ങളിൽ യുഎസിൽ ആഭ്യന്തരയുദ്ധമുണ്ടാകും’ എന്നുമുള്ള പ്രസ്താവനയോട് യോജിച്ചു.