പ്രധാനമന്ത്രിയുടെ യോഗത്തില്‍ കേരളത്തിന് സംസാരിക്കാന്‍ അവസരമില്ല; ദില്ലിയില്‍ സിപിഎം പ്രതിഷേധം
First Published | Jun 16, 2020, 2:47 PM ISTരാജ്യത്ത് കൊറോണാവൈറസ് പടര്‍ന്ന് പിടിക്കുമ്പോള്‍ നിലവിലെ സാഹചര്യം ചര്‍ച്ച ചെയ്യാന്‍ പ്രധാനമന്ത്രി വിളിച്ച മുഖ്യമന്ത്രിമാരുടെ യോഗത്തില്‍ കേരളത്തിന് സംസാരിക്കാന്‍ അവസരം നല്‍കാത്തതില്‍ പ്രതിഷേധിച്ച് ദില്ലിയില്‍ സിപിഎമ്മിന്‍റെ പ്രതിഷേധം. ആദ്യഅറിയിപ്പില്‍ കേരളത്തിന് മൂന്നാമതായി സംസാരിക്കാന്‍ അവസരം നല്‍കിയിരുന്നു. എന്നാല്‍ പിന്നീട് ഇതില്‍ മാറ്റം വരുത്തുകയും കേരളത്തെ ഒഴിവാക്കി. ഏഴ് സംസ്ഥാനങ്ങളിലെ മുഖ്യമന്ത്രിമാര്‍ക്കും കേന്ദ്രഭരണപ്രദേശങ്ങള്‍ക്കും സംസാരിക്കാനായിരുന്നു അനുമതി നല്‍കിയത്. തുടര്‍ച്ചയായി രണ്ടാം തവണയാണ് പ്രധാനമന്ത്രി കേരളത്തിന് സംസാരിക്കാനുള്ള അവസരം നിഷേധിക്കുന്നത്. ആദായ നികുതിക്ക് പുറത്തുള്ള കുടുംബങ്ങള്‍ക്ക് ആറുമാസത്തേക്ക് 7500 രൂപ വീതം നല്‍കണം. ആറുമാസത്തേക്ക് ഒരു വ്യക്തിക്ക് പ്രതിമാസം 10 കിലോ ഭക്ഷ്യധാന്യങ്ങളുടെ സൗജന്യ വിതരണം ചെയ്യണം. വർദ്ധിച്ച വേതനത്തോടെ എംഎന്‍ആര്‍ഈജിഎ പ്രകാരം കുറഞ്ഞത് 200 ദിവസത്തെ തൊഴിൽ നല്‍കണം. നഗര ദരിദ്രർക്ക് തൊഴിൽ ഗ്യാരണ്ടി പദ്ധതി വിപുലീകരിക്കുക. ഉടനെ തൊഴിലില്ലാത്തവർക്ക് തൊഴിലില്ലായ്മ അലവൻസ് പ്രഖ്യാപിക്കുക. ദേശീയ സ്വത്തുക്കളുടെ കൊള്ള, പൊതുജനങ്ങളുടെ സ്വകാര്യവൽക്കരണം എന്നിവ അവസാനിപ്പിക്കുക തൊഴിൽ നിയമങ്ങൾ ഇല്ലാതാക്കുന്നത് നിർത്തുക. എന്നീ ആവശ്യങ്ങളുന്നയിച്ച് ദേശവ്യാപകമായി സിപിഎം നടത്തുന്ന സമരത്തെ തുടര്‍ന്നാണ് പ്രതിഷേധം നടത്തിയത്. ചിത്രങ്ങള്‍: അഞ്ജുരാജ്.