സെക്സ് വീഡിയോ പുറത്തുവിടുമെന്ന് ബ്ലാക്ക്മെയില്‍ ചെയ്യുന്നു; പരാതിയുമായി അര്ജന്റീന മുന്‍ സൂപ്പര്‍താരം
First Published | May 14, 2020, 11:05 PM ISTബ്യൂണസ് ഐറിസ്: അര്ജന്റീന ദേശീയ താരമായിരുന്ന എസ്‌ക്വേയ്ല്‍ ലാവേസിക്കെതിരെ സെക്സ് വീഡിയോകള്‍ കാട്ടി ബ്ലാക്ക്മെയിലിംഗ്. താരം തന്നെയാണ് ഇക്കാര്യം വ്യക്തമാക്കി രംഗത്തെത്തിയത്. 35 കാരനായ ലാവേസി ബ്ലാക്ക്മെയിലിംഗിന് വിധേയനാകുന്നതായി ചൂണ്ടികാട്ടി പരാതി നല്‍കിയതായി അര്ജന്റീന നിയമവൃത്തങ്ങള്‍ അറിയിച്ചെന്ന് അന്താരാഷ്ട്രാ മാധ്യമങ്ങള്‍ റിപ്പോര്‍ട്ട് ചെയ്തിട്ടുണ്ട്.
അയ്യായിരം ഡോളര്‍ നല്‍കിയില്ലെങ്കില്‍ ഇന്‍റര്‍നെറ്റിലൂടെ സെക്സ് വീഡിയോകള്‍ പുറത്തുവിടുമെന്ന ഭീഷണി ഉണ്ടെന്നാണ് ലാവേസിയുടെ പരാതി. കരീബിയന്‍ ഐലന്‍ഡിലാണ് താരം ഇപ്പോഴുള്ളത്. അര്ജന്റീന കൊവിഡിനെതിരെ ലോക്ക്ഡൗണ്‍ പ്രഖ്യാപിച്ചതിനാല്‍ ലാവേസിക്ക് തിരിച്ച് നാട്ടിലെത്താനായിട്ടില്ല. താരത്തിന് വേണ്ടി അഭിഭാഷകനാണ് പരാതി നല്‍കിയത്. ബ്രസീലിയന്‍ മോഡലും നടിയുമായ നതാലിയ ബോര്‍ഗസിനൊപ്പമാണ് ലാവേസി ഉള്ളത്. നതാലിയക്കും ഭീഷണി സന്ദേശങ്ങളെത്തുന്നതായി പരാതിയില്‍ പറയുന്നു.