T20 World Cup: ടീം ഇന്ത്യ സെറ്റ്? സ്‌കോട്‌ലന്‍ഡിനെതിരായ സാധ്യതാ ഇലവന്‍
First Published | Nov 5, 2021, 4:19 PM ISTദുബായ്: ടി20 ലോകകപ്പില്‍(T20 World Cup 2021) ടീം ഇന്ത്യയുടെ നാലാം മത്സരം(IND vs SCO) ജീവന്‍മരണ പോരാട്ടമാണ്. സെമി സാധ്യത നിലനിര്‍ത്താന്‍ സ്‌കോട്‌ലന്‍ഡിനെതിരെ(Scotland) വന്‍ മാര്‍ജിനിലുള്ള ജയം വിരാട് കോലിക്കും(Virat Kohli) സംഘത്തിനും അനിവാര്യം. അതിനാല്‍ത്തന്നെ ഇന്ത്യന്‍ സമയം രാത്രി 7.30ന് ദുബായില്‍ മത്സരം തുടങ്ങുമ്പോള്‍ ഏറ്റവും ശക്തമായ പ്ലേയിംഗ് ഇലവനെ അണിനിരത്തുക ടീം ഇന്ത്യക്ക്(Team India) നിര്‍ണായകമാണ്. അതിവേഗ സ്‌കോറിംഗില്‍ കുറഞ്ഞതൊന്നും ഇന്ത്യ ലക്ഷ്യമിടില്ല. പാകിസ്ഥാനും ന്യൂസിലന്‍ഡിനുമെതിരായ തുടര്‍തോല്‍വികള്‍ക്കൊടുവില്‍ അഫ്‌ഗാനെതിരെ നേടിയ 66 റണ്‍സിന്‍റെ ജയം നല്‍കുന്ന ആത്മവിശ്വാസം കോലിപ്പയ്‌ക്കുണ്ട്. അതിനാല്‍ പ്ലേയിംഗ് ഇലവനില്‍ മാറ്റത്തിന് സാധ്യതയുണ്ടോ. സ്‌കോട്‌ലന്‍ഡിന് എതിരായ ഇന്ത്യയുടെ സാധ്യതാ ഇലവന്‍ ഇങ്ങനെ.