T20 World Cup: അടിച്ച് ഭിത്തിയില്‍ ഒട്ടിച്ചു; അഫ്‌ഗാനെതിരായ ഇന്ത്യന്‍ വെടിക്കെട്ടിന് പ്രശംസാപ്രവാഹം
First Published | Nov 3, 2021, 10:44 PM ISTഅബുദാബി: ടി20 ലോകകപ്പില്‍(T20 World Cup 2021) ടീം ഇന്ത്യയെ(Team India) എഴുതിത്തള്ളാന്‍ കഴിയില്ലെന്ന് എതിരാളികള്‍ പോലും പറയുന്നത് ഇതുകൊണ്ടാണ്. ടൂര്‍ണമെന്‍റില്‍ സെമിയിലെത്തിയ ആദ്യ ടീമായ പാകിസ്ഥാനെ(Pakistan Cricket Team) വിറപ്പിച്ചെത്തിയ അഫ്‌ഗാനിസ്ഥാനെതിരെ(Afghanistan Cricket Team) ബാറ്റിംഗ് പൂരം കാഴ്‌ചവെക്കുകയായിരുന്നു ഇന്ത്യ. ടോസ് നഷ്‌ടപ്പെട്ട് ആദ്യം ബാറ്റ് ചെയ്ത ഇന്ത്യ 20 ഓവറില്‍ രണ്ട് വിക്കറ്റ് മാത്രം നഷ്‌ടത്തില്‍ 210 റണ്‍സെന്ന ഹിമാലയന്‍ സ്‌കോര്‍ കെട്ടിപ്പൊക്കി. രോഹിത് ശര്‍മ്മ(47 പന്തില്‍ 74), കെ എല്‍ രാഹുല്‍(48 പന്തില്‍ 69), ഹര്‍ദിക് പാണ്ഡ്യ(13 പന്തില്‍ 35), റിഷഭ് പന്ത്(13 പന്തില്‍ 27) എന്നിങ്ങനെയായിരുന്നു ഇന്ത്യന്‍ താരങ്ങളുടെ സ്‌കോര്‍. ഇന്ത്യന്‍ ബാറ്റര്‍മാരുടെ തീപ്പൊരി പ്രകടനം കണ്ട് മുന്‍താരങ്ങള്‍ക്കുള്‍പ്പടെ സന്തോഷമടക്കാനായില്ല. പ്രതികരണങ്ങള്‍ കാണാം.